فالح السميري وعيد السحيمي و { القعود }

[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سلام ياللي ان جاك الضيف عندك له=ذبح الطلي والمبهر مع تراحيبه
يفرحك في لفيته وايضا بذبحك له=والمال وان قل ماتحسب محاسيبه
ياعيد فالح طريق الجود مدرك له=والمرجله والوفاء والعز والطيبه
ياعيد عندك قعودي دير بالك له=حتى يقل العشب ياعيد واجيبه
ياعيد فالح تون وغض نفسك له=وانظر الى ماكله وافطن مشاريبه
وهص الغصون الطريفه دوم وامسك له=غصن الشجر لا نظرت الريح تومي به
وخلي مساك يتعادل مع صباحك له=وافطن عقاب الظلام اللي عوى ذيبه
حطه بجنبك وخل ا لام تبرك له=مابينكم مبركه من خوف تعذيبه
ياعيد درب قعودي لا يصير اكله=ترا بزين الطبوع يزين تدريبه
هذا هدية كريم الله يبارك له=باللي وهبه الولي واوفى مطاليبه
هذا ابن فالح خلف كلاً مشارك له= في مدة ايديه وايضا بزاد يقري به
في طرقة الخير دوم يبين مسلك له=وكم مسجداً شيده تشهد محاريبه[/poem]


[poem="font="simplified arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يالله ياللي عليك الامر والتكله=ياواحداً كل منا عالماً غيبه

يابو عمر من عصاك اليوم عزك له=شرواك يلزمني البي مطاليبه

عيد ابن فالح يودك مثل ودك له=سمي ابويه ولك قدراً ولك هيبه

صقراً الامن شهر يازين هدك له=في صيدته تعجبك ضربة مخاليبه

بيت الشعر لا ارتجلته زين عدك له=يونس الى حضر وينومس اصحيبه

كلام مثل العسل لا شك مانكله=حاميك ربي عن الزلات والغيبه

شاعر ومن نافسك روح بابو نكله=في بحر شعرك ياخذ شرقاً وتغريبه

اما قعودك ان شفته يعجبك شكله= من غاربه لسنامه لعراقيبه

تقول بنتاً جميله رابطه بكله= وتعيب واحد سواتي طالعاً شيبه[/poem]