ياطفله حبيتي ورحتي ع وين

تـــوك صغـــيره وابتـــديتي تحبـــين

من علمك ليل الســـهر ياصغيره

بدري عليك العشـق يابنت هاللحين

حرام هذا القـــلب وشهو مصيره

انتي بريـــئه في الهوا ليه تشقين

دروبه طـــوال عليك وعسيره

رحتـــي بدرب ماله اصلا عناوين

وانتي مشـــاويرك من اول قصيره

ياطفـــلة حبيتي وراحت على وين

عقب الهنا ذقـــتي الحياه المريره

وينك ووين الحـــب والشوق والبين

عنيتي عيونك وصـــرتي سهيره

امحق تســـلي كان ودك تسلين

الورد لولا اللون وشهو عبـيره

خليتي دروســـك وصرتي تحاتين

الـــدرس في ديره وصرتي بديره

وصرتي بعد من غير هذا تغـــارين

والمشكله يابنت منـــتي خبيره

نصيـــحتي لك كان ودك تردين

يم السعاده والحـــياه المثيره

خليك بجو العائله لاتعـــدين

مامـا وبابـا والعجوز الظريره

شيبانك اللي مايبونك تعانين

من بينهم عشتي كأنك أمـــيره

الحب قبلك هـــز ناس كثيرين

وخلا القلوب تعيش هـــم وحيره

الحب يفــضح لاانكشف داخل العين

وانتي بنفسك ماهقـــيتك بصيره

طيعي كلامي واحـــذري لاتمادين

تراجعي لاعل في الأمر خـــيره

عيشي الطـــفوله والبراءه لك سنين

وبعدين حبي لاغديتي كبـــيره