تويت
مشكور اخوي عادل مساعد العبيلي على مرورك الجميل
وهاذي قصة المكيف للي ما يعرفها
وبيكون لها تكمله .............. وارجو ان أكون عند حسن ظنكم
لمهم ما علينا خلنا في الموضوع . ....................... هل هذا من حقي ؟؟
في يوم جميل وصافي وقله هي الايام التي يكون فيها الجو في تبوك صافيا .....العاده امغبر لا وصاير مثل الكويت
بالطوز ((عندما تكون الدنيا حمرا من الغبار وهي الى الاورانج اقرب وكاتم))) فنحن تمر علينا الفصول الاربعه في يوم واحد في تبوك .. وكنا في جلسه عائليه السما زرقا والدنيا ربيع والجو بديع والطيور رايحه فيها من البسط والتغريد
وجالسين في الحوش وانا متكي على الدينمو واتابع النمل واقتلها بقدمي>>>>يا واد يا شرير
والوالد فارش جريدته الوطن وهات يا قرايه لصالح الشيحي والوالده امقابلته اتقهوي فيه والمكيف ينقط ماء واصوات عيال الجيران يلعبون كوره صايره موسيقى تصويريه للجلسه >>>>>>>>>>> قايلكم جو رومانسي
وانفتحت قريحة الوالده للسوالف : ما دريتا حصه بنت خالتي مسكينه تزوج عليهازوجها!!
الوالد : لا !................ ما صارت ................! قم يا اوسكار جب سطل حطه تحت المكيف عن الما
الوالده شكلها ازعلت على التطنيش وقامت اتلقط فناجينها وادلالها فلاحظها وقال القهوه اليوم شــــــــي حمستها فنانه عاد هونت وقعدت اتبسم واتقهوي فيه >>>>>>>> يا حبي لهم في زعلهم ورضاهم
فقالت الوالده الا وش رايك انخطب لاواسكار وانا اسمع طاري العرس وانا انواع التسريح واتخيل العروس حولي تخسى
هيفاء بنت وهبي معها والرقص والطقطقه وما دريت الا وذاك الصاروخ اللي نزل على خدي
خلى اذني لها صفير.......... والوالد يصارخ ما ادري علامه !! ويقول اوسكار : وجع يوجع بطنك يا قليل الحيا
وش ذا ............يا خــــــــــــــــي شكلي مع السرحان طلعت البكت ومولع لي سيجاره قدامه >>>>>>> ما ادري ليه
جت على بالي صادوه من غير ما يدري شكوه ............ وانا اقول هذا ......... هذا .......... هذا >>>>>>>> دقرت هذا معي
المهم عداها الوالد لي وتنفست الصعداء وصدرت الموافقه ان لا مانع من ذلك كود يلقوا بنت حلال
تضف هالدبشه ويركد>>>>>>>> كلام الوالدالله يسامحه
وبدأت الوالده تكتيكاتهاوتخطيطاتها بحظور كم حفلة زواج وحطت عينها على كم وحده وأصدرت النمونيه
بأسماء المرشحات لنيل لقب حرم اوسكار>>>>>>>>> والله ولا ابو الهش
المهم ذهبت مع الوالد لاهل اول المرشحات بعد ما تعطرت وتزبرقت ورحت فيها من الشياكه
واستقبلونا بالحفاوه والترحيب وتم التفاهم على كل شي الين قلت ....... الا وين البنت خلوني اشوفها
فنظر اليا والدها شزرا وحنقا وقال ما عندنا بنات تطلع على أجانب لا صرت زوجها بالطقاق انت وياها
فخرجنا على امل اللقاء >>>>>>> كذوب والله ماني براجع الا اشوفها
وتكرر الموقف مع باقي المرشحات الكل يرفض مبدأ النظره الشرعيه
والوالد يقول لي : يا وليدي يا حبيبي ورا ما تاكل تبن وتتزوج وتخلصنا وانا راسي والف سيف الا الزواج بعد النظره الشرعيه فلقد قال الرسول صلى الله عليه وسلم في ما معناه انظر اليها فهو احرى ان يؤدم بينكما
زبدة الهرج والسؤال هنيا :
هل هذا من حقي ؟
أم ستقف العادات والتقاليد سدا وحاجزا بيني وبين تحقيق ما اريد
تعليق