تويت
اخواني الأعزاء
السلام عليكم ورحمة الله وبركاته
اضع بين ايديكم هذه المحاوره التي جرت بيني وبين والشاعر حمود العتيبي بتاريخ 6/5/1431هـ
آمل أن ترقى لذائقتكم الرفيعه واعذرونا على التقصير
السلام عليكم ورحمة الله وبركاته
اضع بين ايديكم هذه المحاوره التي جرت بيني وبين والشاعر حمود العتيبي بتاريخ 6/5/1431هـ
آمل أن ترقى لذائقتكم الرفيعه واعذرونا على التقصير
محمد عوده البلوي
الاوله يامنتدى الشعار ونجوم القصيـد=
سلام ردية وفا لاهل الوفا نبـدي بهـا
والثانيه نبغى العميل اللي يفيد ويستفيد=
ماودنا فاللي على غير السنع يرمي بها
حمود العتيبي
الاوله يالشاعر الموهوب يالرجل الفريـد=
يامرحبا ترحيبـةٍ تدخلـك ماتـدري بهـا
والثانيه من دون شرط تشرطه من دون قيد=
ناقتك فـك قيادهـا قـدام لاتسـري بهـا
محمد عوده البلوي
جعل البقا بك يالمرحب ياعسى راسك مديد=
ماهي غريبه مرحبا من واحد(ن)ضاري بها
ياحمود وقت اليوم لازم تاخذ الحرص الشديد=
اعرف خويك في دروبك قبل لاتمشي بهـا
حمود العتيبي
تستاهل الترحيب يامحمد ومقطوع الجريد=
والبن مع عودٍ ورى الدله يكمـل طيبهـا
ما فيكم الا المنقره يدرق ليا شافه رشيـد=
رشيد يدري عن علوم المنقره يحكي بها
محمد عوده البلوي
ترحيبكم يدبل لكم وان زدت يالصاحب نزيد=
القافله عن دربها ياحمود لاتنحـي بهـا
ابو مناحي مركم واسقاكم الباس الشديـد=
واكبر دليل ابو جميل لربعه يهذري بهـا
حمود العتيبي
يالعارفه حسٌب حسابك لا تبذر فالرصيد=
الناس ما يستر جسدها غير ضاف ثويبها
إن مرنا ماراح غير مكلبشينه بالحديـد=
يامحمد عتابه تغطي كل نـاس بطيبهـا
محمد عوده البلوي
الخير واجد ياعميلي واسمـع العلـم الأكيـد=
نصرف ذهب نشري ذهب فالسوق ونماري بها
حنـا رجال(ن)مايخوفنـا التهـدد والوعـيـد=
والطيبه كل القبايـل ياجـودي تحـري بهـا
حمود العتيبي
ماذمكم يابن الحلال أبرك من زحول الصعيد=
توهقون الغشم في مجرى السيول تصيب بها
البيع في بعض السلع ماهوب يامحمد حميد=
بطن الشعاب نمرها عجلين مانصلـي بهـا
محمد عوده البلوي
انته عتيبـي ماركتـك مسجلـه عيـت تبيـد=
راحت سنين وجت سنين ا زرى الزمن يغدي بها
قنوالعنب عالي وعن لمسته في يدينـك بعيـد=
من شان هـذا تقـدح بقنـو العنـب وتعيبهـا
حمود العتيبي
صحيـح سجلنـا فعـولٍ ماتغـرك يالعنيـد=
ارض الجزيره عارفين سهولهـا وصعيبهـا
ليت لك رمز ابعث لك المعنى بصندوق البريد=
الله عليـمٍ بالنوايـا مــا بلغـنـا غيبـهـا
محمد عوده البلوي
والنعم فعتيبه واظنك في مواقفهم زهيد=
ارض الجزيره عارفين ثعولها من ذيبها
معناك واضح مايغره لاكبير ولا وليـد=
عقرب ثرى لكن تموت وسمها بذنيبها
[/url]
تعليق