مرثية بن سبت

[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]
بديت بسم الله عليم الخفيات = الواحد المعبود رب الخليقه




عالم خفايا بحورها والمحيطات=محصي شجرها والرمال الدقيقه



سبحان من بأمره تهون الصعيبات=والهم بأمره ينجلي في دقيقه



سبحان من هون هموم عظيمات=وهون فراق اللي فراقه حريقه




رحيل راع الطيب وراع المروات=مكتوب والمكتوب محدن يعيقه




من قال أبوماهر ترى خالكم مات=والموت حق وموت خالك حقيقه




جلست لحظات ووقفت لحظات=مابين هم وغم وحسره وضيقه




أبكي على خالي وأناجيه بسكات =ودموع عيني من العباير غريقه




فرقاه في صدري سكاكين طعنات=وفرقاه صعب كلنا مانطيقه




موته مصيبه من كبار المصيبات=وصيته ذهب يبقى يشعشع بريقه




ودعيت ربي تالي الليل دعوات=دعوه حزين من البكاء جف ريقه




يالله تعين اللي يعين اليتيمات=خالد ولد خالي مزبن رفيقه




ابن الفقيداللي يسوى الجميلات=وسع عليه القبر من كل ضيقه



جعله مع الأبرار في ظل جنات=وجعله عتيق (ن) مع رقابٍ عتيقه




مرثيه من قلب في كل الأبيات=واجب على مثلي وحق وثيقه




الحزن أكبر من جميع المساحات=والحزن لونخفيه بين شهيقه



وختامها مني صلاه وتحيات=على الشفيع اللي شفع للخليقه[/poem]