تويت
يمــــّــــه
!
!
!
!
[poem=font="MS Dialog,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
من ثلاث سنين يمه انطفى نور المدينـة=
يوم موتك من يديني روحك الطيبة سلبها
من ثلاث سنين يمه ذقت أنا طعم الغبينـه=
يوم جيت انظر لعينك والكفن عني حجبها
من ثلاث سنين يمه صارت أيامي حزينـه=
ما عطتني غير هم وما خذيت إلا تعبهـا
من ثلاث سنين يمه والمواجع بي دفينـة=
والوله يشعل بقلبي نار يحرقنـي لهبهـا
من ثلاث سنين يمه والفرح ويني و وينه=
ضحكتي والله عقبك اشهد أنى مغتصبهـا
من ثلاث سنين يمه صرت لهمومي رهينة=
منحرم من نوم عيني والليالـي مغتربهـا
من ثلاث سنين يمه و ألهنا بُعدك يشينـه=
والحزن في وسط قلبي خيمته حل ونصبها
من ثلاث سنين يمه ادعي إن الله يعينـه=
قلبي اللي بعد عينك فرحته موتك نهبهـا[/poem]
:::::::::::::
ابن بطحاان الجذلي
تعليق