وادي الحمض فالبحر السعودي مصبه

[poem="font="simplified arabic,5,black,bold,normal" bkcolor="transparent" bkimage="./images/backgrounds/88.gif" border="none,4,gray" type=2 line=1 align=center use=ex num="0,black""] كل ماجيت ابا اشره بالزمن واتشره= اتذكر قصور العبد في حق ربه
واتنازل عن الموضوع خيره وشره = واطلب اللي خلقنا من عدم واتنبه
الحقيقه على ماقيل بالحيل مره = لله العبد ماكمل شروط المحبه
يملك العافيه والمال وابليس غره = مهد اله الطريق الملتوي ثم كبه
شاب راسه ولاله مع هل الخير جره = يحول الحول سمنه بالمخازن وحبه
ومن اثار الوضوء مافيه بالراس غره = والمصيبه يوقت للدوام المنبه
وفيه من قالت امه كان لاابوك صره= وارثعتبه واخو مره لقاه ولعبه
سبحته ناقصه والثوب من دون ازره = يمدح اللي يخصه والمنافس يسبه
وفيه بين العرب من حب ربه وحبه = قلبه الحي لعمال العباده يهبه
قايم بواجبه في عز برده وحره = خطوته للمساجد والدلال بمشبه
ذاك عيني على نهجه ولله دره = ومن يحب الله المعبود كلا" يحبه
خالق الكون ما تخفاه مثقال ذره = يعلم الغيب ويحط التقي في مطبه
وكلمت الحق حره واهل الأذواق حره= وادي الحمض فالبحر السعودي مصبه
[/poem]