بالـــــــــــــدجــى نور جهه مثل ضـوح الشــعاع

[poem="font="simplified arabic,5,black,bold,normal" bkcolor="transparent" bkimage="./images/backgrounds/17.gif" border="double,4,gray" type=1 line=1 align=center use=ex num="0,black""]
باح دمع العيون من اللقى والوداع =من ظروف الزمن ماباقي الا نظرها
ياحليل الفراق اللي وراه اجتماع = العذاب الفراق اللي حياتي دمرها
والعرب لو عن الواقع تشيل القناع = باطن الأرض بيت اللي تمطي ظهرها
سنة الله بخلقه والعرب في نزاع = خالق الكون خلقه بالزمن يختبرها
المحن والبلاوي ماخذتني متاع = كل فتره تفاجئني بتالي شهرها
وبين سن البلوغ وبين سن الرضاع = مرحله قاسيه والعلم الأقسى بثرها
عمري اللي مضى كله نقاش وصراع = والسفينه على كف القدر في بحرها
واهني اللبيب اللي للايام باع= واشترى الآخره لو كان عمره مهرها
ماوقع في غرام ام العيون الوساع = بنت غيه شكى بيض القطى من شعرها
بالدجى نور وجهه مثل ضوح الشعاع = وحبة الخال نقطة مرسمه في نحرها
ماقطعت الطريق ولا لويت الذراع = سالفه عابره وعن الجميع اختصرها
سر والسر مابين العرب مايشاع= والأشاعه من انواع الفتن نعتبرها
[/poem]