هــذه وصيـة مـن والـد لأولاده

ياعيال محمد ياعسى تستهمــون ***_ترى الحياة أدوارها متعبــــــــــاتي
ودي مع الدارج عساكم تعيشون***_عيشة هنا ماهي معيشة شمـــــاتي
تصبرواعلى العمل لاتملـــــــــون***تصبروا هـذي سلــــــــــوم الحيــــــــاتي
أصيح خوفا بالسكك لاتزلــــــون***_والنصح من بعد الغلط مايــــــــــواتي
تكفون يالجواد تكفون تكفـــــــون***_لاتسلكون ألا طريق النجــــــــــــــاتي
الله خلق للآدمي قلب وعيــــــون***_وجسمه صحيح ولامعه معضــــــلاتي
الدين ترى أصحابها مايـــخيبون***_وزيدوا من التسبيح بعد الصـــــــــلاتي
عن الفروض الواجبه لاتراخون***_وش عذر ناس مضيعين الصـــــــلاتي
ساعة دخول القبر عنها تسألون***_ياالله حسن الخاتمه والثبـــــــــــــــاتي
في حفرة مترين في متـر وادون****_في حفرة الاهوال والمفجــــــــــعاتي
مازونه الحسنات والذنب مازون***_نعرض على الباري حفــــــــاة عراتي
وعلى الصراط لجنة الله يسيرون ***_احد هلك بالنــــــــار وحــــــــد براتي
عمر الفتى محدود والموت مضمون***_وأفضل بشرمبعوث بالارض ماتي
كم من بشر في داخل الارض مدفون***_تفكروا ياعيال قبل الفــــــــــواتي
أمام باريكم لزوماتقفـــــــــــــــــون***_لاترجمان ولاهنا واسطــــــــــــاتي
تعرض صحايفكم وفيها تشــــــوفون***_نتايج الحسنات والمنــــــــــكراتي
تقرون لو ماكان بالامس تــــــقرون***_بالي عملتم قبل يوم الممــــــــاتي
جميع عن مابالصحيفه تســـــــألون***_هنا الجواب ولابهامحــــــــــاولاتي
ايات جوف النار فيها تصيــــــحون*** _والا البنات الحور ومـــويا الفراتي
تفكروا ومشوا على ماتريــــــدون***_الله يهديكم على الصالـــــــــــــــحاتي
ياالله يالي تحفظ الشوف بالنــــون***_يالمكتلف يامسير الــــــــــــــكايناتي
ياناصر موسى على قوم فـرعون***_تصلح لي أولادي وتصلح بنـــــــاتي
لعلهم في شوف وجهك يفـوزون***_ونك توفقهم بكل الجـــــــــــــــــهاتي
ياعيال محمد لاصلحتم تف،يدون*** _صونوا على الي بقى من حيــــاتي
اموت متهني ولاموت مغبــــــون***_تكفون لاتصيروا سبب في وفـــــاتي
حملي ثقيل انكان لحلمي تشيلون***_توزعوا مابينكــــــــم ياشفـــــــــاتي
لاشفتكم قدام وجهي تســـــيرون***_انتم مطر قلبي ولــــــــذة منـــــــــاتي
عن العلوم الازمه لاتميــــــلون***_ولاطاوعون اللي برايه افـــــــــــلاتي
ولاطاوعون ابليس تراه ملــعون***_ونطعتم الملعون رحتم شتـــــــــــاتي
على اسرتي من بعدنا لاتشـــدون***_ترفقوا فيهم وسوو ســـــــــــــــواتي
وعن ربعكم ياعيالنا لاتشـــــذون***_تلبسوا بالطيب طول الحيــــــــــــاتي
الوالده كونوا لها خير مخـــــزون***_الخير كل الخير بالـــــــــــــــوالداتي
والجار له حق واجب وقانــــــون*** _حق القصير من اكبر الواجبـــــاتي
هذي وصيه كان لي تستــــجيبون ***_ ياعيال قبل اموت هذي وصــــاتي
تمت وصلى الله على خير مامون ***_محمد المبعوث بالمعــــــــــــجزاتي




الشـــــــاعر \ابــــــوخالــــد الزويــن