مغامرات قوقل

في احد ايام الاجواء الربيعية قرر محسوبكم قوقل ان يمارس الرياضه المحببه اليه القنص بالبريه ولغرض ثاني بنفسه ومير اقوم بتجهيز اغراض القنص البندقيه + صندوق ذخيره ( شكل الاخ رايح للجبهه ) وادور لي شنطه عند الوالده والقاء شنطه للوالد قديمه ( قدام الوالد يأخذ الوالده ) ما علينا اهم شي تمشي واقوم بترتيب اغراضي بداخل الشنطه شوفو الاغراض ( فرشاة + معجون اسنان مع العلم ان اسنان اخوكم ما بقى منها الا ثنتين بالدور العلوي ووحده بالدور الارضي والباقي يخلف الله بخير المهم مع علينا وماخذ معه الاخ مشط ومرايه ومجفف شعر ’’ رجل ايتيكيت مع العلم اني ما اعرف معناها بس سمعتها بأحد الافلام ’’ وماخذ وزالين ( فازلين ) للطواري وفكس للوعكات الصحيه + معطف جيشي قديم ( ابو ازارير صفر طبعاً للوالد قدام ايتقاعد ) ملاحظة الوالد متقاعد له ( 20 سنة ) +( بخاخ بويا اخضر )( طبعا فيه سر بوجود البخاخ مع محسوبكم المهم ما اطول عليكم السالفة 0
بالوقت هذا فيه واحد من القرايب مشتري سيارة جيب اخر موديل ويبغي ايوديها ل أبوه طبعا الرجال مبسوط وما احد قده ولا بعد يبغى احد يخاويه بيني وبينكم انا ما صدقت خبر المهم خاويته انا واحد ثاني من القرايب 0 طبعا الاخوان اخذو اغراض المشوار كامل ماعدا السلاح واصقعهم بهذاك اليمين ما يأخذون السلاح ابد وانا موجود ( طبعاً محسوبكم رجل المهمات الصعبه )اجيكم بالسالفة ونتحرك ( المسافة بعيده ..... والسياره جديده ) والاخ يمشي شوي شوي وكاتم انفاسنا انا وخويي ماحد يتكلم او يسولف الا هو ( من حقه السياره سيارته ) بيني وبينكم غاثني وفوق هذا كله تارك فيروز تغني ( حبيتك بالصيف .... حبيتك بالشتاء ) المشكلة بعد ما جابت الربيع 0 وتغيب الشمس وخوينا ماشي على هونه والمح عى بعد عيون ( عيون الذيب ) الا العيون ثابته ويوم قربنا الاهي قزازت ببسي دايت حسبي الله على من رماها يافرحة ما تمت وبعد ممشى طويل الا وهذيك الارنب ماني مصدق جاك يامهنا ما تمنى واجهز البندقية واسدد يم الهدف وتنطلق الرصاصه الاولى الا وهي بشعار تويوتا اللي على الكبوت ومير ارد بالثانيه الا وهي بالمراية اللي على يمين الراكب ومن الربشه يمسك خوينا فرامل ومن قوة الفرامل تنطلق رصاصه ثالثه بالتنده ومير ايوقف خوينا وياخذ مني البندقيه هو وخويه وهاتك تصفيق لي و ركلات خطافيه وينزلوني ويركبوني بالحوض ( زي الا..............) ( أسد طبعاً ) ( ً اعزل من السلاح ) (القصه بعد ما انتهت )
ما لاحضتو اغراض قوقل ؟؟؟؟؟؟؟؟؟
( فيها بخاخ بويا اخضر )
اتحدى اعضاء المنتدى يعرفون قوقل ليش اخذ البوياء بخاخ اخضر ؟؟؟؟؟؟؟؟؟؟؟