الـــفــصول الأربعه

[poem="font="simplified arabic,5,white,bold,normal" bkcolor="transparent" bkimage="./images/backgrounds/95.gif" border="inset,4,white" type=2 line=1 align=center use=ex num="0,black""]
الفصول الاربعه
على الفطره تضيق الناس من لفحة سموم القيض=ومع فصل الشتى تندب ليال الصيف وايامه
يعيشون الفصول الاربعه بين الرضى والغيض= على حسب الظروف الآدمي بيته وهندامه
وانا بثني على اللي بالشتى صف الدلال البيض= وشب النار والبراد والقمقوم قدامه
واغبط العاقل اللي مالتفت للشتم والتحريض = الاحظ بذرة الايمان والاحسان باء سلامه
وأقف جنب الرفيق اللي يغيضك بالزمن ويعيض = ضميره مايبيعه والفشق والملح بحزامه
والوم اللي مشبه له سنه فيه الحمام يبيض= ولا وني عذرته جاره اللي جانبه لامه
واكب اللي يبي له من مساكين العرب تفويض = وناره طافيه ويكفن الحجاج بحرامه
صور بالمجتع يبغى لها ياصحابنا تحميض = لعل الناس تصحى من سبات النوم واحلامه
[/poem]