تويت
اوسكار .................. وجدته في المانيا ! !
7
7
7
االلي ما يرد على الموضوع لا اشوفه يدربي رويسه هنيا
موبعدين اشوف المرور عشرين واللي يرد ثلاثه
ما عليه حركات تشويق المهم خلنا في موضوع الجده :
...هذا الله يسلمكم ويسلمني بعد................ قامت جدتي الفجر رايحه تتوضئ لصلاة الفجر
وكانت تقوم قبل الصلاة بساعه علشان تتهجد اخر الليل
وهذ حالها من يوم عرفتها ((( صديقته ))
ومر من المراريت كنت جاي من حدى هالكشتات منحاس كلى غبار وتراب وطين >>>>>>>>>>> تقل عامل أفغاني
ودخلت البيت في الليل قبل ما يقومون أهلي
وكان عندنا فله دورين ((( بدينا بالنصب))) امي وابوي واخواني فوق في الدور الثاني وجدتي تحت
تكسلت ورحت حمام جدتي عشان اتروش , اتسبح , اخذ شاور >>>>قايلكم عندي لغه ما ينخاف علي
بدون منشفه ولاشنبو ولا صابون
دخلت في الحمام الجاكوزي حق الجده >>>>>>>>>>أيه هين ........طشت الملابس ولا بعد لونه احمر يااللا قعدت به
فتحت البزبوز واخذت الغضاره وجلست اصب على جسمي الرشيق واستعملت شنبو جدتي الاحمر القديم الاانقليزي والصابون أبو عنز والليفه السوريه
وبديت أليف ظهري وكراعيني جلست اصارخ من الالم والوجع كني جالس اصنفر جدار
خلصت من الترويش الا و الحمام غادين حوسه بعدي الشنبو مكبوب والصابون طالع برا
يوم قمت من الطشت جلست ادور منشفه ما لقيت .......
لقيت شرشف الصلاه حق جدتي معلق خذته ونشفت جسمي الريان فيه
المهم طلعت ......... وتوني ابطلع فوق واسمع أمي جدتي تدعي وتهلل وتكبر .. قامت من النوم
دخلت عليها حبيت رأسها وجلست عندها شوي وبعدها طلعت لغرفتي
وأفتح باب غرفتي بالمفتاح لاني اقفلها خايف احد يدخل ويفتش . واخواني مؤدبين زياده عن اللزوم
ما يفتشون ابد ابد بتقولون ليه خايف ؟
ابقول صورة اللي في بالي في الغرفه
واخاف يلقونها اخواني يورونها أمي ((( وأخواني مهوملاقيف أبد ابد ))
دخلت الغرفه
الله من الترتيب والنظام يا حظ اللي بتاخذني >>>>>>>>>> دعايه لنفسي كود القى بنت الحلا ل
تصدقون ما اقدر امشي في الغرفه من الملابس المرميه والنعال والسراويل والفنايل والشراريب وكانت عندي ثلاجه صغيره
يوم فتحتها لقيت فيها طاقيه وتفاحه ومويه الهناء وفيش كهرب ومجلة فواصل وفليت وسنكرس مقروض رويسه
واذا بغيت انام اجلس ربع ساعه ادور على السرير من تحت الملابس كني انقب عن بترول
لقيت السرير بعد مجهود ضنين
وتوني منسدح على سريري الدافئ الوثير
الا اسمع صوت زلقه وبعدها خبطه وبعدها صراخ
وفزيت من السرير من الخرعه بغيت انقز مع االطاقه ضيعت الباب .ماعاد ادري الباب من الشباك من كثر الملابس (( كني جالس في مغسلة فندق))
نزلت بسرعه الا جدتي زالقه في الحمام واسمع فتح البيبان نازلين على صوت الصراخ
وتجمهرنا على جدتي حتي واحد من اخوني من الربشه قال عسى ما جاء السياره شي
شلنا جدتي وحطيناها على السرير
خمس دقايق الا عماتي وعماني وعيالهم وحريم عيالهم ورجال بناتهم واقاربهم ممتلي البيت من البشريه
وعرفت ان أخوي هو اللي مكلم (( يحب الاخبار الشينه))
حتي واحد من عماني جاين بشورت السنه من الربكه >>>>>>> الربكه هي المصدر للفعل الثلاثي ارتبك
جاء عمي الكبير قال لاازم ننقلها للمستشفي
المهم راح نسيب عمي يجيب السياره لان عنده جمس سوبرمان بني خط بيج الداخلي رصاصي نظيف ماشي 75
ما لمسه الشاكوش ((( تقل شريطي على هالوصف )))ركبنا جدتي الجمس النظيف
رحنا للمستشفي
نزلناها في الطواري ..... ويوم نجيبها للمستشفي كا ن ورانا ثلاثين سياره من اقاربنا وعمانا وعيالهم
وكانت ليلة جمعه والمنتخب فايز وكل من شافنا من الشباب لاحقنا يحسبنا امسوين مسييره جالسين نشجع
وصارو الشباب يلحقونا ومطلعين اعلام المنتخب
واللي يرقص عند الاشاره واللي يفحط
حتى دخلوا معنا في الطواري ومعهم اعلامهم
نرجع للسالفه
دخلو جدتي غرفة الاشاعه وشيعوها وكان نسيبنا يشتغل في المستشفي وكان يعرف دكتور عظام ممتاز سعودي
المهم كلمه الفجر .والله ولا قصر الدكتور جاء بسرعه
كشف عليها الدكتور وشاف الاشاعه وجاء عند ابوي وعماني وقال لهم الوالده فيها تمزق بالعضله وشد عضلي في الفخذ ومحتاجه عمليه الرباط الصليبي (((( انا طليت على جدتي احسب أني جايب ماجد عبدالله مهو جدتي)))
قال عمي لا تستعجلون على العمليه
رقدوها كم يوم في المستشفي
وكان عمي يشتغل فى >>>>>>>>الاماره دبر لها علاج في المانيا >>>>>>>>>>لا احد يتلزق
المهم استعدينا .......... جت مشكله الجواز .جدتي ما تبغى رجال يصورها والصور حرام
حاولنا لكن دون جدوي
المهم وحده من بنات عمتي قالت انا اوديها الى استديو كل الطاقم نسائي .. بس ما يصورون صور جواز. يصورون حفلات عروس ..وملكات ورشايش ....... الخ
المهم حاولت لين صورناها .......... اول مره اشوف صورة جواز خلفيتها ورد وزهور وحيوانات
جبنا واسطه لمدير الجوازات يقبل الصور المهم خلصنا الجوازات والتأشيرات
بس ما لقينا حجز على الخطوط السعوديه كالعاده
حجزنا على الخطوط الالمانيه(( لفت هانزا))
كانت الرحله الساعه ثنتين اخر الليل
بغت تروح الرحله جالسه الجده تصلي وتتهجد
لحقنا على الرحله
ركبنا الطياره وكان معنا حوالي ثلاث الف شخص يودعونا من اقاربنا
جدتي وأمي درجه اولى وابوي وعماني وأنا سياحي
اقلعت الطياره
شوي اعلنو عن فك الحزام عطونا عصير واشياء خفيفه
تعدت الاجواء السعوديه وبدو يوزعون القوارير والبيره رحت ا شوف جدتي لقيتها ضايق صدرها جاء ابوي وعمي وجلسو عندها
جاء المضيف قال ارجعو بنوزع الاكل
رجعنا سكر الستاره اللي بينا وبين الدرجه الاولي
جلسنا ساعه الا أمي جايه قالت تعالو شوفو أمكم تسب وتلعن فيني تغيرت الاخلاق
رحنا مسرعين لقينا معها كأس احمر شربته
تحسبه توت
بدت معها الهلاويس جلست تسب أمي وتقول انا اكرهك من يوم خذتي ولدي ما احبك (( توه يطلع ذ الكلام من اربعين سنه)) خذنا منها الكاس عيت المهم شربت الباقي
وصارت نشيطه كل ساعه جايه لنا في السياحي ))
المهم جت أمي عندنا في السياحي وراح عمي عندها
بس كل ساعه جايه اتحرش بأمي
والتفت على أمي اقول اجلسي يا ياه لاتهمك هالمهلوسه ضربت فيوزها
شوي واسمع صوت جدتي جالسه تهيجن وتغني(( ما اريد الا سعوديه بالعبايه مخفيه ) )
أشوي الا وهي تغني : عالجوني يحسبون اني مريض ما دروا عن علتي انا بالفراق >>>>>>الله من البلشه مع هالجده
قبل ما نوصل للمطار فرنكفورت نامت ((و الحمد لله)) لاان فيه ناس بيستقبلونا من السفاره
وش بيقولون عنا
وكانت واقفه سياره الاسعاف عند البوابه
نقلنا جدتي للمستشفي وكان معنا ناس من السفاره
قبل ما نوصل للمستشفي قامت جدتي وصحصحت واتمغط بعد
قمت عطيتها حلاو بولو عشان الريحه
وصلنا للمستشفي دخلناها سووا جميع الاجرأت
والعمليه بكره....... المهم قامت جدتي ورأسها يوجعها (هنق اووفر))
جت أمي مرافقه معها وخايفه أمي بس الوضع عادي وسوالف عاديه...
عرفت ان اللي لعب براس جدتي هالأغبر الاحمر اللي شربته وتحسبه عصير التوت المهم سوت العمليه ((نواف التمياط)) والحمد لله تكللت بالنجاح
ويوم جاء وقت الرجعه قال عمي احجزو على الخطوط السعوديه باي ثمن ....
خايف تشرب شي ثاني تحسبه هالمره عصير تانج وتهستر وتفضحنا
وعندنا ما فيها مزح
والله ان يسجنونها ويسوون لها لها اختبار استشمام ويجلدونها
7
7
وبس .................................................. ........ وش رايكم في التأليف
القصه من وحي خيالي
تعليق