يا مبعد مفزك

[poem="font="simplified arabic,5,black,normal,normal" bkcolor="transparent" bkimage="" border="solid,1,darkred" type=2 line=0 align=center use=ex num="0,black""]طيع شوري لا تطيع اللي على نفسك يوزك = ولا تخاصم واحداً تخسر لو يصمل خصامه


لي عشر اسنين احاول فيك بالمركاض الزك = وكل ما اطلع فيك قامه تنحدر عشرين قامه

انت لاهي لين رمح الوقت في قلبك يغزك = وبعدها ماتنفعك لو تذرف دموع الندامه

ولو بغيت اصدق معك لحظه كلامي يستفزك = واسكت اشويه واغادر بس من مبدا الكرامه

انت تحسب يوم امد ايدي لك ناويك ادزك = ما دريت اني نويت اسحبك عن درب الغشامه

وكل ما حاولت اقرب منك يا مبعد مفزك = شوفتي عندك دمار وغيبتي عنك السلامه


والزمن لو هز غيرك في وجودي ما يهزك = وانت لو اشره عليك شوي تلحقني ملامه

ولا تحسب اللوم عندي يرفعك واللا يرزك = للمعزه والغلا في وجه راعيها علامه

انت ما تدري من اللي يكرهك واللا يعزك = اطيب المخلوق عندك من يوريك ابتسامه

وكان طيبي ما وصل لقصاك ويجيبك يكزك = والله ان طيبي رخامه ما تساويها رخامه[/poem]