الــــقـنّــــاص

[poem="font="simplified arabic,6,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]في حفلة اللي عاليٍ مقداره=أجيب من جزل الشعر وأختاره
شاعر ولي بالشعر درب وخوه=الشعر لوُل وكفي المحاره
والبارحه بالليل قمت أغني=وأمر بستان الشعر وأزهاره
وقطفت من أجمل زهوره باقه=وغلفتها والغيم هل أمطاره
من شأن أقدمها بحفل الليله=اللي ملئ هذا المساء بانواره
مبروك يا "سعود" ونعيد وندعي:=الله يتمم بالفرح مشواره
مِن العلا جينا وذكره يكفي =إنك تسوق إله القدم بزياره
مثل الحيا هالطيب ذكره طالع= لو ما وصلته يذكرون دياره
قولة "نِعم" ماهي بسهله تاتي=تبغى رجالٍ بالزمن صبّاره
وسعود حصّلها وحصل أكثر=والعِرف ما بين الرجال تجاره
قناص طيب ورميته يحّكمّها=لامن قالوا من يغز الشاره :
أنااشهد إنه بالدجى يطرحها=يوم إن غيره ما إنفعه منظاره
الطيب صيده ما يدور غيره=وبالناس منهو صديته ديناره
كل ما يمره أي موقف صاده=حتى سرت بالناس طيب أذكاره
والا الردي ما يصيد مهما يرمي= وإن صاد ضيّع صيدته بغباره
وسعود نايل هالفخر من بدري=وتفخر يمينه في فعول يساره
هرفي . . ولا تستغرب من الهرفي=إنه يولع طول عمره ناره
للضيف كنّه بالليالي جنه=وللجار ريفٍ بالزمان الجاره
معروف والهرفي إلامن جيته=يفرح تقول مبشّره ببشاره
وسعود يستاهل حضور العالم=الله يتمم بالفرح مشواره
وأنا سعيد إني حضرت أشارك=في حفلة اللي عاليٍ مقداره[/poem]







.