تويت
البنت حيه/ والمشاعر /توفّت!!
بين الآماني/والأمل/حلمهـا ضـاع
قـفّـت سنْينه/وامنيتها/تـوفّـت
طفله وجرعها/الزمن كل الاوجـاع
شمعه /بدرب العشق ولعت/وطفّت
شريفةً مادنّعـت صـوب الادنـاع
عفيفةً عـن درب الانـذال عفّـت
على الآمل عاشت بصيفٍ ومرَبـاع
واشتالها حظ الشقـا ليـن قفّـت
كانت على ذاك الأمل ترسم إبـداع
في ضحكةً مـن زينهـا ماتخفّـت
تلعب على حبل الرجاوي وتنصـاع
وعيونهـا يْـم المقابيـل رفّــت
تحَسْب مسافات/ الغلا فوق الاصباع
واليوم دمعتها/ على الخـد جفّـت
تحْب ابن عمٍ على الطيـب رمـاّع
دايم بذَكـره فالوجـود استشفّـت
حب البراءه بينهم خُمس/ وأربـاع
متقاسمينـه ليْـن الايـام لـفّـت
هذا القَدر! طاعت لحكمه ولا طـاع
وضفّت من الآحزان ماكان ضفّـت
واسترسلت بالحزن لا حَدْ الإشبـاع
وظروفهـا بالْهَـم وفّـت وكفّـت
وطاحت/وطاح الحلْم والقلب فـزّاع
تصرخ ألم/ لو لأقرب الناس خفّـت
معشوقها /مات! وعن الكون ودّاع
والبنت حيه/ والمشاعـر/ توفّـت
للشاعر / مازن العوني
.gif "وردة لك")
تعليق