رحلتي شرم الشيخ ( مصــر ) والاردن

بكمل ردود الشباب ولكن هذا رد استثنائي
ومشكور على ثنائك للرحله
وبالنسبة لشرم الشيخ بالاول كانت منطقة
فيها النصب عيني عينك
الان الوضع اختلف تماما خاصه بعد ما انضربت سياحتهم
والاوضاع السياسية الي صارت عندهم
ولكن الوضع الامني عندهم قوي جداً
لأنها منطقة لا يسكنها احد وتعتبر سياحية 100 بالمية
لأن المصري بنفسه ما يقدر يدخلها الا اذا عنده تصريح عمل
اما اي واحد يخشها ما يدخلونه
وبالنسبة لرحلتي عن طريق قروب سياحي من الاردن حجزته
وتكاليف الرحله بالقروب الشخص الواحد بما يقارب
1300 ريال والطفل الواحد بـ الف ريال
السعر يشمل كل شيء تذاكر اليخت لأن اليخت سياحي
وخاص بالشركة التابعة للقروب فقط
وتنزل الميناء المصري وبعدها ياخذكم باص
يوديكم شرم الشيخ مسافة 220 كلم للفندق المتفق عليه
والاقامة اربع ايام وثلاث ليالي بفندق خمس نجوم
شاملة جميع الوجبات فطور وغداء وعشاء
وكل يوم غير الي قبله
والسعر يشمل العصيرات والشاي في اللوبي والشاطي
ويوم خاص فيها عشاء اسبشل تبيه بالغرفه او على الشاطي
وجميع الي بالثلاجه فري
يعني ماتشيل هم شيء
ولكن اذا الواحد يبي ينزل غوص او يطلع برشوت
على حسابه الخاص
واذا طلعت بره الفندق تمشية في المناطق السياحة
حسابها عليك صراحه صرف قليل مو كثير
وانا انصح بشرم الشيخ بهالوضع الحالي
وكل واحد وصرفه يعني ممكن باليوم الواحد يصرف 200
ويمكن باليوم الواحد يصرف 2 الفين
والصرف يختلف على حسب الاماكن الي الواحد يختارها


واذا عن التمشية صراحه انصح بتركيا اكثر