للحارثي مهداة شخصي وتذكار.....

بسم الله الرحمن الرحيم

هذة الأبيات المتواضعة عبارة عن شكر وتقدير للأخ العزيز والشاعر المميز..مشعل الحارثي..على قصيدتة في قبيلة بلي...حفظة الله

ومن لايشكر الناس لايشكر الله



[poem="font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]اقصر على التلفاز ماريد الأخبار=عنـدي علـوم غيرهـا يابـو طـايـل
ركزمعـي مشغـول مـخـي بالأفـكـار=ابنـي بيـوتـاً ساسـهـا مايتهـايـل
هات القلم والبوك ومـن حقـي أختـار=ابغـى قلـم مضبـوط والحبـر سـايـل
جـوي صفـى شغلـت جهـاز الأنـذار=منجـم ذهـب ساعـات والخطـر زايـل
أسكب ذهـب بالسـوق ملفـت للأنظـار=مكفـول مابـة غـش قــولاً وقـايـل
للحارثـي مهـداة شخـصـي وتـذكـار=عبـر الفضـاء بأقمـار ناسـا ونـايـل
هذي شهـادة حـق وتاجـا لنـا شعـار=نفخر بهـا لـو راعـي الحقـد شايـل
شكرا جزيـل أشكـرك حشمـة وتقـدار=تشمـل بنـي حـارث فخـوذ وعوايـل
نعـم بكـم مافيـة شــك ولا غـبـار=مـن أدم ابونـا عـرق نسـل وسلايـل
قبيـلـة جـنـات وأطرافـهـا نـــار=عـز الدخيـل وضـد مخطـي وعايـل
يازينهم للضيـف وريـف علـى الجـار=وسـمً صقـطـري للكـبـود الغـلايـل
تاريخهـا معـروف ويشهـد لهـا ثـار=بالشـرق الأوسـط تحترمهـا القبـايـل
بأسـم القبيلـة قلتهـا سـر وأجـهـار=مابغـى ثمنهـا رد بـعـض الجمـايـل
ربعي تحـب السلـم وترسـي للأخطـار=مثـل جبـل دخـان وطـويـق حـايـل
يـوم المعـارك بيـن مسلـم وكـفـار=منـا صحابـة بالصـفـوف الأوايــل
المعـذرة مـن كــل شـاعـر وزوار=كانـي مقـصـر ياعـيـال الحمـايـل
وصـلاة ربـي عـد هطـال الأمـطـار=علـى الـذي ماجـا بـعـدة رسـايـل [/poem]