تويت
مع خالـــص الود
..
الإهــداء للشيخ والشاعر العَلم :
خليوي بن محمد الشنوطي البلوي
الإهــداء للشيخ والشاعر العَلم :
خليوي بن محمد الشنوطي البلوي
[POEM="font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]راكب اللي بالفخامة مرتوي=قمّة الإبداع لا قبل وبعد
وقّفته ذيبٍ على رجم يعوي= ولونه اقرب ما يقاربه البَرد
إن مشى شيخٍ أخذ بنت بدوي=من ثمان سنين ما ترضى بأحد
إن همزته فز فزّت منكوي =أوّنس الجمره وفز ولاْقعد
كنّه شهابٍ على جنّ يهويّ=مثل حُرٍ مطلقينه للهدد
كل خطٍ ملتوي لك يستوي=بالسفر كنّك تمشّى في بلد
رنج روفر هو مناة المهتوي= للمواتر قال: ما غيري أبد !
راكبه يا مسندي وإنت الخوي=عقّب اللي لا حميّا ولا سند
خذ رساله من ضميري تحتوي= الوفاء والود لوجيه السعد
ووصل "الجيده" وخلّك منّتوي=شيخٍ وشاعر على القمه صعد
بالمساء له نار تضوي لك ضوي=وبالنهار تشوف له كلٍ ورَد
بيت واااضح ما تشوفه منزوي=بالكرم همال له برق ورعد
تاصل خليوي كريمٍ وجّروّي=الوفاء والجود في بيته عَمد
شاعرٍ كل بيت بالمعنى قوي=كل بيت يقول للثاني بَعَد
حِب لي خشمه .. وقلّه يا بلوي= يابو ناصر بالعلا عندك ولد
إجتماعي ما يحب المنطوي=مؤمن إن من جد بالدنيا وجد
لك بخفّاقه مكانٍ مستوي = حاجةٍ لله والوالي شهد
بلّغه أزكى سلامي يا خَوي= وقول بين الناس به علم ووعد ![/POEM]
محبتي للجميع
وعذراً على الغياب
.
.gif "وردة لك")
تعليق