يــــــا ليــل فيك ابروق ومصــافق اريــــاح 0000

[poem="font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ياليل فيك ابروق ومصافق ارياح = وانا نويت اسريك ليـن الصباحـي
خطوه على برق المخيله الى لاح = وخطوه على جهدي وضو اقتراحي
ولاني مطاوع كل عاذل ونصّــاح = مادمت ماشي بالطريق المباحـــي
راي السداد لظلمة الليل مصباح = وراي الجهل مافيه نية صلاحــــي
ومن عادتي مرجع لوالدرب ذبـاح = تراجعي عن راي راسي ذباحـــي
ومن عادتي مكذب ولو كنت مزاح = والصـدق لمنّي عقلته نجــاحــي
اوفي بوعدي لجل هاالنفس ترتــاح = والعهد يسجني ويطلق سراحــــي
وعندي لكل اقفال الابواب مفتـاح = حاسيـه للشدات مثـل السلاحــــــي
اتعب كما يتعب على الارض فلاح = يتعب ويكسب في نهار الفلاحــي
ون قمت احسب للخساير والارباح = تصبح وتمسي همتي في مراحي
والنفس ماتفرح بلا داعي افـراح = واللوم مايعقب عليها نصاحــــي
والزاد مايزكى بلى شوية امـــلاح = ولاكل مشروب الطبيعه قراحـــي
ون طحت ون ماطحت ماني بصياح = لاعاد مايبري صوابي صياحي
اقوم لو اني على رجل وجناح = واجبر كسوري واتجاهل مطاحي
والى بقت مـن كل ماراح الارواح = مـن بعدها ماكن لي شي راحـــي
ولا ودي ان السـرللناس ينــباح = اللي لهم بالعلم عــدة مشاحـــــــي
اللي بعينـه تمرة الناس تفـــاح = تكبر بعينــه من جميع النواحـــــــي
يقول لي مـرتاح واقول مرتاح = مـن شان مايرتاح لجل ارتياحــــــي[/poem]