لو بكيفي ودي ثلاتين

**محمود عيد البلوي** · 08-02-2011, 05:49 AM

رد: لو بكيفي ودي ثلاتين

هل نت من المؤيدين على كثرة الانجاب او من اصحاب الاتنين والثلاث والحمد لله على العافيه؟

نعم ونسأل الله الصلاح والهدايه ..

2-طبعاً ابن حرب ما خلف كل هذا العدد من وحده لابد عنده اكثر من زوجه هل انت من المؤيدين على التعداد؟

نعم , للقضاء على العنوسه <الله يستر :d

3- العيال اكثر نفع من البنات لان الولد لك والبنت لغيرك هل هذا صحيح؟

كلهم عينين برأس, لاافرق بينهم ونسأل الله الهدايه لشبابنا وبناتنا .

وفقك الله اخوي سالم

**حامد بن راشد الوابصي** · 08-02-2011, 09:00 PM

رد: لو بكيفي ودي ثلاتين

1-هل نت من المؤيدين على كثرة الانجاب او من اصحاب الاتنين والثلاث والحمد لله على العافيه
الحمد لله على العافيه
وحده تكفي وأنا من الناس ما أحب كثر الانجاب
قنوع بما اعطاني الله

2-طبعاً ابن حرب ما خلف كل هذا العدد من وحده لابد عنده اكثر من زوجه هل انت من المؤيدين على التعداد
مؤيد للي يبي
واللي ما يبي يخليه على ام عياله

3- العيال اكثر نفع من البنات لان الولد لك والبنت لغيرك هل هذا صحيح
صعب الحكم هنا واجحاف
ياكم بنت طلعت ابرك من عشرين شنب
والمصلح الله
- بعض العيال ما وراه غير اقسام الشرطه
وبعضهم مصلوح
وبعض البنات ما وراها غير دوشة الراس والقلق
وبعضهن أصلح من الصلاح نفسه وبعضهن تنجب لك ولد يعني انت جده يسير لك ابرك من عيالك

ابو مهند
انت والنعم فيك وان كان فيك هبة ريح
اعزمنا على زواجك الثاني والثالث يا (قوي ) هههههه وخلنا نشووووف

طابت اوقاتك
وتقبل مزحاتي المعتاده

**فواز بن مرزوق** · 08-04-2011, 03:56 AM

رد: لو بكيفي ودي ثلاتين

1-هل أنت من المؤيدين على كثرة الانجاب او من اصحاب الاتنين والثلاث والحمد لله على العافيه ؟
مب مؤيد على كثرة الأنجاب نهائياً , انا من اللي يؤيد التحديد بعدد الأسرة
2-طبعاً ابن حرب ما خلف كل هذا العدد من وحده لابد عنده اكثر من زوجه هل انت من المؤيدين على التعداد
كمان مب مؤيد لتعدد بهدف كثرة الأنجاب , صراحة التعدد هذا حاذفه من قاموس حياتي
وكأني اكثر من مره سمعت بمن ينادي بالتعدد بهدف القضاء على العنوسة بالمجتمع << هي قضية مجتمع لا يمكن حلها من كم شخص بانه يتزوج مره ثانية وثالثة
حل قضية العنوسة بيد ولي أمرها يخففون على عيال الناس كثرة الطلبات وراح يشوف العرسان يتحاذفون عليه

3- العيال اكثر نفع من البنات لان الولد لك والبنت لغيرك هل هذا صحيح
فيه بنات نفعوا أهلهم اكثر من العيال , وفيه عيال بهم الخير والبركة
ماله علاقة بنوع الجنس , وفيه ناس لا عياله ولا بناته بهم خير نسأل الله السلامة , الأمر مرتبط ارتباط كبير بتربية الولد او البنت
ومدى اشباع حاجاتهم العاطفية والحياتيه من هم صغار , عشان يقدرون اهلم اذا كبروا

وسلامتك يا الذيب

لو بكيفي ودي ثلاتين

لو بكيفي ودي ثلاتين

تعليق

تعليق

تعليق