قصائد شعرية ، محاورات شعرية ، قصائد وشيلات صوتية .

ياطيـر ماحـدك نصيبـك علـى خـيـر..؟؟

تقليص
X
 
  • الوقت
  • عرض
إلغاء تحديد الكل
مشاركات جديدة
  • ماجد سليمان البلوي
    مشرف قسم التراث

    • 28 - 8 - 2009
    • 9524

    #1

    ياطيـر ماحـدك نصيبـك علـى خـيـر..؟؟

    ياطيـر ماحـدك نصيبـك علـى خـيـر..؟؟

    ياطيـر ماحـدك نصيبـك علـى خـيـر=وراك مسجـونـاً بـوسـط الـغـمـااره
    حسبي على اللـي عـزّرو فيـك تعزيـر=تكفـخ ويـصـلاك الحـديـد بـحـراره
    فـي موتـرن مـال الولـع فيـه تأثيـر=تكسـي اجـارن مايـعـرف الا اجــاره
    حشّـرة وحـوش البـر حتـى العصافيـر=مـن يـوم دوّر مـن وراهــا تـجـاره
    مال الغشيـم مـن الولـع غيـر تدميـر=دايـم عمـاره صـايـراً فــي دمــاره
    ياناقليـن الطيـر مـن غـيـر تبصـيـر=حصيلكـم مـنـه التـعـب والخـسـاره
    اوفوا حقـوق الطيـر ولا اتـرك الطيـر=لا تظلمـونـه يـاجــداد الـصـقـاره
    خـلـوه لمحـمـد عشـيـر المناعـيـر=اللـي اليـا شالـه يـعـرف اعتـبـاره
    مقـدم هـواة الصيـد مـن تـوه صغيـر=مـن خلقتـه يعطـي علـيـه البـشـاره
    يعطيـه حقـه فـي لـيـال المخاظـيـر=اليـا بكـر الوسمـي ولجلـج خـضـاره
    قـدام يظهـر فــي نبـاتـه نـواويـر=ينصـاه لــو انــه بعـيـداً مــزاره
    مايمنـعـه دونـــه ردي الاشـاويــر=فـي نـجـد ولا نـازحـات(ن) ديــاره
    الطيـر يبغـي لــه عنـايـه وتدبـيـر=رجـل(ن) يعـرف اهانتـه مـن وقــاره
    هـذاك ابوتركـي زبــون المخاسـيـر=سمـح الحجـاج اللـي يـذري جــداره
    يـفـزع لمحـتـاج ويـكـرم مسايـيـر=وغيثـاً علـى مـن يستجيـر بـجـواره
    من جـاه يشكـي مـن الوقـت تقصيـر=مظـهـود ولا مستـجـيـراً اجـــاره
    ويطرب لنقـل مصخـر الخـرب تصخيـر=واطلاقـة المسـبـاق شـفـه وكــاره
    وينومسـه فعـل الـفـروخ المغاتـيـر=ومـن كـل قرنـاسـاً تخـيّـر خـيـاره
    هـذا يخـل الريـش مثـل المعاصـيـر=وهـذا يشوقـه لاحجـل فــي طـيـاره
    كـم ماقـع(ن) قفـر(ن) جهملـه بتبكيـر=واثعـى بصيـده حيـن يشـرق نـهـاره
    وان جا الضحى الضاحي وجت حومة الطير=حـوّل بـروض(ن) فـي مفيضـه قـراره
    وصكوا عليـه اهـل الوجيـه المسافيـر=والقهـوجـي قدامـهـم شــب نــاره
    واستانسـوا فـي جـو مافيـه تكـديـر=ودارت سوالفـهـم عـنـاد وعـيــاره
    واخـذوا لهـم مقـدار ساعـات لاغـيـر=ليـن الهـوا يسكـن ويـركـد غـبـاره
    ثـم روحـوا بيـن الصلاتيـن وعصيـر=الشيـخ فــك سـبـوق طـيـره واداره
    مستبشـراً بالخيـر والصـيـد مـاذيـر=والطـيـر صـقـاره يـحـب اختـبـاره
    واشـرف عـل جـواً خضـاره دواويـر=فيـه الخـزامـى والنـفـل والشـقـاره
    واخـذ عـن اللـي عادتـه تلـة السيـر=مـا يلتفـت راعيـه يسـبـر شـنـاره
    غلاص طلعاً لـه علـى الصـدق تبريـر=ياخـذ علـى الجـو البعـيـد انـحـداره
    حـول علـى جولـن تقـافـى مدابـيـر=زرق النحـور اللـي عليـهـا الــدواره
    الطايـره يـرسـل عليـهـا مشاهـيـر=مثـل الجـهـاز الـلـي بتوجـيـه اداره
    والدارجـه يـرسـل عليـهـا جـزازيـر=كـل افدعـاً مـع قـو ظربـه شـطـاره
    يفـرا نحرهـا فريـة الدلـو فـي البيـر=تلقـى الفـؤاد مظهـره مــن سـتـاره
    فـي وقتـهـا ينـسـى وداد الغنـاديـر=وينسـى جميـع معـامـلات الــوزاره
    هـذي حقـوق الطيـر ياظالـم الطـيـر=ماهـو ب حقـه سجنتـه فـي الغمـاره

    الشاعر عبدالله بن نايف بن عون

    تحيات
    ماجد البلوي
  • سالم مسلم حمدان البلوي
    منشد

    • 12 - 1 - 2011
    • 2118

    #2
    رد: ياطيـر ماحـدك نصيبـك علـى خـيـر..؟؟

    الله يعطيك العافيه
    </EMBED></EMBED></EMBED></EMBED></EMBED></EMBED></EMBED></EMBED></EMBED>

    تعليق

    • سعود السحيمي
      عضو مجلس الإدارة

      • 10 - 7 - 2005
      • 13240

      #3
      رد: ياطيـر ماحـدك نصيبـك علـى خـيـر..؟؟

      صح لسان الشاعر .

      ولك جزل الشكر

      تعليق

      يعمل...