من الددر ( قصيدة موجهة للشيخ/ابرهيم ابوطقيقة ) للشاعر / سالم بن صامل الوثر

[poem=font="Simplified Arabic,5,black,bold,normal" bkcolor="transparent" bkimage="./images/backgrounds/13.gif" border="none,4,gray" type=2 line=0 align=center use=ex num="0,black"]
ياراكب(ن) من عندنا واسع البد=
عوج(ن) عراقيبه وناب الغضاربف
وعليه من زين الملابيس والشد=
ومكلف(ن) في طيب اللبس تكليف
سواة ملهوف الحشا صافي الخد=
الخرج وافي والسفايف زغاريف
تلفي لشيخ(ن) له تواريخ تشهد=
ابوطقيقة عز للجار والضيف
شيخة حقيقية من الساس والجد=
ماهم رعاة(ن) ولفوها تواليف
لاجا نهار(ن) به تحن المفرد=
ولحقوا على قب المهار المزاغيف
مثل نهار السلع يوم الرمك رد=
وصار المنابا فوق ضمر السراجيف
لاشفت ديوان الضحى صوبهم كد=
من دون لاتنشد تعرف التواصيف
تلقى الدلال اللي على الجمر تحشد=
مثل البكار اللي على الماء مشاييف
سالم على الانذال مايبدي السد=
واما الشيوخ يزوجون العجاريف
ابغى منه حر(ن) مجود به العد=
شهادته ماهي شهادة ملاقيف
زرعان من زرعات فيهن مردد=
ولاباس من بله العميري تخاطيف
اشقر بلونه والعراكيز تلغد=
وسيقان عريانه واذانه مشاريف
الله يامحلا فديده الى فد=
ماطبعوه مدورين الغطاريف
يشدى ظليم(ن) مع حماد(ن) مجرهد=
هجوا عليه مصفقين التطاريف
لاظالم(ن) نفسي ولا ظالم احد=
والصدق تذكره الرجال العواريف
شائب ومروي والسواليف تمتد=
ومجالس اللي يحسنون السوالبف
قالوا لي اهل العرف لاصرت منحد=
عليك في زمل(ن) تشيل الشقاديف
انقد جمال الحمل قدام لاتمد=
هو ينتدب والا حموله خفاخيف
واما الردي لاجيت للازمه صد=
صكوا عليه مفرقين المواليف
واما عطاك من الكلام المسمرد=
واقفى عساها مدة مقيط ماشيف[/poem]