ابيات

[poem="font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
عقب الفطور اشعلت راس الزقارة=للمبتلي بالتتن هي ساعة الكيف
يغيب تارة ويحضر الفكر تارة =واتعبت راسي من كثير التصانيف
رفعت نقلي مارماجاء قرارة=والله عالم وش حصل بالمضاريف
والمنتظر للشي مااطول نهارة=لكن مافيها اعلوم وسواليف
ياموتري خابرك رهن الاشاره =ومعطيك للمسرى شهاده وتعريف
كم روض سجيته تسامك غبارة=وياماوطيت من الوعر والشغاريف
ياما زويتك راس جرف وزباره=لكثرت البدوان وابلادهم ريف
من شوك عشب العام تحت الغمارة=شوك اسعدانة حامسة صالي الصيف
وهالحين ممشانا انعدل مسارة=مسرى تراى مافيه راحة وتوقيف
بااخلي الشكمان يقدح شرارة=ومعي شريط يزود الجو تلطيف
لامن سمعته طخ راسي نعارة=قافن حماسي شده الشاعر منيف
لافسر اذراعة وفلت ازرارة=اينتف اكبر شاعر بساع تنتيف
لي صاحب ابناخي نويتة ازيارة=ابن اهديان الوابصي مكرم الضيف
يفرح الى جاه المسير بدارة=ولاعمر ابوخالد حسب للتكاليف
ماشي على ادروب الشكل والصقاره=رجلاً على ذكرة كما الشمخ النيف
سلام ياموقد على العز نارة=ياساس لابه تروي الرمح والسيف
من عقب فنجالٍ موزن ابهاره=ياخوي هاك العلم من دون تسويف
موضوعي من اسبوع راح الادارة=لكن ماردوه لي الملاقيف
ودي تولى يالبناخي خباره=ياماسندنا لك كثير المواقيف
استاذنك وانا اتحرى البشاره=ماشي مسافر باأول الصبح للطريف
[/poem]