تويت
من يقول إن الشدايد ما لها غير الرجال
من يقول إن الشدايد ما لها غير الرجال
والله إن بعض النساء تعجبك في وقت الشدايد
من قرا التاريخ يلقى بين صفحاتـه مثـال
مثل خولـه بنـت الأزور فعلهـا والله كايـد
فارسه وملثمه فـي وسـط ميـدان القتـال
فارسه وملثمه فـي وسـط ميـدان القتـال
أرتدت درع المعارك وأتركت حلـو القلايـد
وذي صفيه يوم خندق فعلهـا مابـه جـدال
وذي صفيه يوم خندق فعلهـا مابـه جـدال
وقّفت ضد اليهود بموقفٍ عـن ألـف قايـد
وأذكر أسماء والنطاق وكيف قدمتـه حبـال
وأذكر أسماء والنطاق وكيف قدمتـه حبـال
يوم بشرها الرسـول بجنـةٍ وابخيـر زايـد
وبالشجاعه ذي نسيبه بنت كعب اللـي يقـال
وبالشجاعه ذي نسيبه بنت كعب اللـي يقـال
في حنين وباليمامـه جالهـا فعـولٍ فرايـد
وإن ذكـرت القادسيـة مانسيـت أم العيـال
وإن ذكـرت القادسيـة مانسيـت أم العيـال
أقصد الخنساء وكيف بشعرها كانـت سنايـد
وأذكرأذكر ذي خديجة وذي بعد ذات العقال
وأذكرأذكر ذي خديجة وذي بعد ذات العقال
وبنت عتبه هند يوم أفعولهن فيهـا شهايـد
ولـو بعـدد أو بـردد ما يكفينـي المجـال
ولـو بعـدد أو بـردد ما يكفينـي المجـال
ولايكفيني القلم والقرطاس وأحروف القصايـد
لكن إني جيت ابيـن كلمـةٍ فـي هالعجـال
لكن إني جيت ابيـن كلمـةٍ فـي هالعجـال
ولا قصدت إني اشب النـار وأزيـد الوقايـد
من خذت بالدين قدوة بشروها بطيـب فـال
من خذت بالدين قدوة بشروها بطيـب فـال
والفلس للي تقلـد نجمـةٍ وسـط الجرايـد
ولين قيل إن الشدايد مالهاغير الرجـال
ولين قيل إن الشدايد مالهاغير الرجـال
قل ترى بنت العقيدة تعجبك وقـت الشدايـد
قصيدهـ أبدع بها الشاعر / سعد بن عبدالله اليابس
تعليق