قصائد شعرية ، محاورات شعرية ، قصائد وشيلات صوتية .

من لاعرف ( معنى الوفا ) مايقدر يحب بـ ضمير !

تقليص
X
 
  • الوقت
  • عرض
إلغاء تحديد الكل
مشاركات جديدة
  • خيالة بلي
    مشرفة الأقسام النسائية

    • 5 - 7 - 2008
    • 6456

    #1

    من لاعرف ( معنى الوفا ) مايقدر يحب بـ ضمير !



    لو طال ( سجن الضيق ) والابواب عيّت تستدير ؟
    مافوق حكم الله حكم ! ولا دون باب الله , باب





    يا حظ لوّ ماكنت عثره .. في طريق المستجير ؟
    ما والله اقنع بـ النجوم ! ولا بما دون السحاب ,





    ( كبير ) لكن الوقت : ماميّز بين كبير ولا صغير
    وعظيم ! لكن الدهر : ماعزّ ( ذربين الجناب )





    اهلّ من غبه قصيدي ( عقد لولو ) .. وفير !
    وأصنع من الفاظي ( حلي ) تغيري طويلات الرقاب





    أصوغ من فكري ( ذهب ) واحيك من جرحي حرير
    وأشعل من إحساسي ( وهج ) واسكب من خموري شراب





    غني قلم .. ندي عطا .. مروي ظما .. نافخ عبير !
    ( مرموق ) .. وآلبس ( بنات الفكر ) غالية الثياب





    سئمت من ( رتم الحياه ) وصرت لـ أحلامي أسير !
    ومليت من .. ( تخاذل اقرابي ) .. وحبيت الغياب





    أثر محاتاه المصير ؟ تزوّد غموض المصير !
    واللي ( تأمل ) في أكتئابه ؟ لا صحى زاد اكتئاب





    ( طاح البعير ) ! ومكثر الطعنات لا طاح البعير
    . ورآح الزهاب .. ومكبر الحسرات لا راح الزهاب





    ما يظهر الرجل الكبير .. الا اذا جا اليوم الكبير
    .. ولا يبيّن في الصعاب ؟ الا من اعتاد الصعاب





    لوّ معي ( مخيّله هوغو ) و ( نظره فولوتير ) ؟
    . يكفي معي : ( سحر البيان ) وعندي فنون الخطاب





    ومدام معي سيف ( خالد ) ! بنطح الجمع الغفير
    ..وماعاد لي بك لـزم في مغزاي ! يا شلفا ذياب ,





    في نظرتي ان : اطيب الاوقات ( خلوه مع ضمير )
    ييصفي بها الذهن المدي , ويشفي بها القلب المصاب





    وانادم أقوامٍ في نجوى الكتب .. والذكر اليسير !
    .... ماغابت الا اشخاصهم عني ! وطاري الهم ما غاب





    من لا يجود بما يجود به الزمان ؟ ولا يجير ؟
    . محروم .. لوّ يملك ( كنوز الارض ) وكنوزه تراب





    ما اقدر احب انسان كان بيوم ! للعالم ( حصير )
    عودٍ عليه ( الما ) ماهو ينفع يكون لـ ( إحتطاب )





    رغم احتياجي لـ ( الحنان الجم ) والعطف الغزير ؟
    ...لازلت اشعر : بـ لذّه الاحساس حتى في العذاب





    رغم انكساري !! من ظروف الوقت والحال المرير ؟
    لازلت واثق !! وألمح ( الاحلام ) حتى في السراب





    رغم إبتعادي عن ( جميع البيض ) و الوصف المثير ؟
    لا زلت متذوق ! .. وأعرف الحسن من خلف النقاب !!





    رغم إعتزالي ( ساحه الشعر ) و ( مساحات الاثير ) ؟
    لا زال فيني : ألف معنى .. ماتضمّن في ( كتاب ) !





    في خاطري ! اشياء كثيره .. واملك الشي الكثير
    لكن : فاقد حاجه أكثر ! بينها وبيني ( حجاب )





    ماهو لزوم إني ( جميل ) ؟ اهم شي اني بصير !
    لنّ ( الجمال بلا نظر ) ! مثل ( السؤال بلا جواب )





    واذا قدرت ؟ افهم الغاويين .. وش معنى الغرير ؟
    . بالله .. كيف أفهم المخطين ؟ وش معنى الصواب





    من لا يعرف معنى ( الوفا ) مايقدر يحبّ بـ ضمير !
    . ومن لا رقى ( فوق الجبل ) ؟ مايقدر يشوف الهضاب





    ظنّي كبير .. ومؤمن بربّي .. و ( متفائل بخير ) !
    وان خاب ظني في البحر ؟ ماخاب ظني في السحاب





    يا ( زهره الروض الحزينه ) لاتحاتين الهجير !
    ( فراشه الحقل ) إهتدت صوبك .. وضيّعها الضباب





    الجرح الاول طاب ! بس الموت ( بالجرح الاخير ) ؟
    ما يندمل .. لوّ خاطري ؟ من كل مايبغيه ( طاب ) !





    ماني بـ محتاج لـ ( رغد دنيا ) ولا ( مجدٍ نظير ) !
    . ( محتاج لي إنسان ) يفهم .. بـ هدوء .. وإنسياب





    زرعت لـجل أكون بـ ( الفيّ ) وتحمّلت السعير !
    الغصن غصني ! .. والثمر غيري خذاه بلا حساب






    وشلون بلقى لي ( وطن ) ؟ وبداخلي ( منفى كبير ) !
    .... وشلون ببني بيت لـ ( آمالي ) .. وبعماقي ( خرااااب ) ؟





    ماهو أليم ( إحساسي بغربه ) ؟ ولا حولي ( عشير ) ؟
    ... بس الاليم ! انّي ( مع احبابي ) وعايش ( بإغتراب ) !!!





    رائعه للشاعر / سعود مهدي العجمي



    شاركوني روعتها
  • محمود عيد البلوي
    عضو جديد

    • 13 - 8 - 2007
    • 3218

    #2
    رد: من لاعرف ( معنى الوفا ) مايقدر يحب بـ ضمير !

    نقل رائع

    وفقك الله

    تعليق

    • خيالة بلي
      مشرفة الأقسام النسائية

      • 5 - 7 - 2008
      • 6456

      #3
      رد: من لاعرف ( معنى الوفا ) مايقدر يحب بـ ضمير !

      المشاركة الأصلية بواسطة محمود عيد غبن البلوي
      نقل رائع



      وفقك الله

      محمود عيد اشكر مرووركم الرائع

      تعليق

      يعمل...