تويت
من دار المسنين ....,الى ابنها
حبيت انقل لكم هالموضوع للذين تركو وهاجرو أمهاتهم.. قصيده كتبتها عجوز لابنها بعد أن اودعها
ابنها في دار المسنين..
يامسند قلبي على الدوم طاريك... ماغبت عن عيني وطيفك سمايا
هــذي ثلاث سنين والعين تبكـيك... ماشفــت زولك زاير ياضنايــــــــا
تذكـــر حياتــي يوم اشيلك واداريك...والاعبك دايـــم و تمشي ورايـــــا
ترقد علــى صوتي وحضني يدفيك... ماغيرك أحد ساكن في حشايا
واليــا مرضــــــت أســـهر واداريــــك... ماذوق طعم النوم صبح ومسايا
ياماعطيـــتك من حنانــي وبعطيك...تكـــبر وتكـــبر بالأمـــل يامنــــايا
لكن خساره بعتني اليوم وشفيك... واخلصت للزوجه وأنا اللي شقيانا
أنا أدري أنـها قاســــية ماتخليـــك... قالــت عجـــوزك ماأبيــــها معايـــا
خليتنـي وسط المصحه وأنا أرجيك..هذا جـــزا المعروف وهــذا جزايـــــا
ياليتنـــي خدامـــــه بين أياديـــك... من شان أشوفك كل يوم برضايـــا
مشكور ياوليدي ونشكر مساعيك... وادعـــي لك الله دايـــم بالهدايــــا
يا(.....) يا(.....) أمـــــــك توصـــيك... أخاف ماتلحـــق تشوف الوصايــــا
أوصيت دكتور المصـــحه بيعطيـــك... رسالتـــي وأحروفــــها من بكايــــا
وإن مت لاتبخــل علـي بدعاويـــك... وأطلب لي الغفران وهــذا رجايــــا
وامطر تراب القــبر بدمــوع عينــك... ماعـــاد ينفـــعك النـــدم والنعايــــا
تعليق