قصيده لشاعر عتيق مسعد بن سهيه رحمه الله واسكنه فسيح جناته

سميت بسم الله من عرض من قال **** وكلٍ على عرفه ينظم خطابه
يامــــرحباً ترحيبة تشرح البــــــــال **** بأحمد عبد الله نقول يامرحبا به
نعم الصداره من قديمين الأجيـــــال **** مثل الأسود اللــي على راس لابه
خويهم مايملهم لو الــدهر طـــــــال **** ياملـــحقين اللــي قــليـل زهــــابه
الــــــرجل الـلي فيــه لابــد مايقـــال **** وكــــلٍ يعدي عن احيــاظه منابه
الطــيب له مع الطـــيبين مدخـــــال **** ولا الـــــردي خـله على سد بابه
يامرحباً بضيوفنا شيــوخ وعيــــال **** ومعزب الرحــمن الحـــظ جابه
ابو عبد الله لثقيــــــلات شيـــــــــال **** نسل السديري من خوال وقرابه
مديرالتعلـــــــــــيم يـــــــاوي رجال **** راضين فيه ولانقــــبل نيـــابه
نبغى ثانوية البنــــات وعيـــــــــال **** متى انتحرا ياعريب النســـابه
ماهو ردي ببوراكه في جوة جبال **** وان سال الوادي ماينغط اغرابه
وطلابنا تبقى على شفة الجـــــال **** والصبح الأستاذ يكتب غيابه
قال وين انت ياتلميذ ياطيب الفال **** قال الوادي سال والخطوط خرابه
قال رحنا ضحايا بين القفا والقبال **** وسألني الأستاذ وهذي الإجابه
ومدير الأوقاف ماعليه مدخــــال **** حتى على نفسه يوظف رقابه
ومدير الشرطه والمباحث والأحوال ** منقول فيهم غير نعـــم الذيــابه
ورئيس البلديه للمهمــات حــلال **** كن المواطن مايحبه يهابه
ومدير المرور والجوازات بالحال *** وحـــامد شويكان تاج الطبابه
ومدير الضمان إلى حل مجـــــال *** ياقف على المحتاج إلى حد بابه
ومدير الزراعه والماليه والمدني والإرسال **نطلبكم ياالأجواد ماهي طلابه
والخاتمه يالله في حسن الأعمال ****على النبي اللي يقود الصحابه
وصلاة ربي إعداد ماهل همـــــال *** من المزون اللي ترادم سحابه