صدر الليل

أهداء الى اخي الغالي/عبد اللطيف الحمراني خصوصاً

والى اخواني في هذا المنتدى الغالي

[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]شق صدر الليل وانحر فارسه لا تغدره=واجه اعزل جاك من دنياه منزوع السلاح
اركز سيوفك بصدره لين تاقف بظهره=ولرتما بيديك ينزف اسقه السم الذحاح
واقتل جيوشك بسيفه وأسر اللي تأسره=لايردك عن طموحك اي دمعاً اوصياح
ولنتها رح بلغ العاذل بموته واخبره=قله ان الفارس اقفا في مهبات الرياح
واكشف اوراقه لا يبقا شي واحد تستره=اقتل اسما ذكرياته دامها بعينك نجاح
ومد جسرً كنت تحلم فيه مبطي واعبره=رح لبرً تحسبنك فيه تشعر بارتياح
نم قرير العين كنك عقب موته تقدره=واضحك العب غن وافرح من مساك اليا الصباح
دام حلمك كل جسرً في وصالي تكسره=معتقد ينفع بعدها لا صمود ولا كفاح
دام زرعي في حصاده ماطلع فيه ثمره=كيف الومك ياجروحي لو تعلين النياح
كيف الومك وانتي مثلي كل ليلاً نسهره=انتذكر حلمنا اللي خانه الواقع وراح
كان طفلاً في حياتي كل ماخطا اعذره=ومن غنجه ومن دلاله يخلط الجد بمزاح
وكنت احب اللي يحبه وازعل اللي ينزره=وكنت لا شفته احس بكل فرحه وانشراح
واندفعت ولاحسبت حساب يومً بخسره=ولا حسبت انه يخون الود لا لبس الوشاح
وابتدى الحلم يتلاشا من قليله لكثره=وابتدت عيني تعاف النوم وتعاف المراح
وابتدى لحن الجروح يضيع وسط الحنجره=وينجرح قلبي وقلبي له سنينً مستراح
لجل هذا واجه الفارس ضحا لاتغدره=واجه اللي جاك من دنياه منزوع السلاح[/poem]