لعيون الأحباب

اخوتي الأعزاء / اعتذر لكم عن الغياب واعود لكم بهذا النص الذي استلهمته من بيت الشاعر العلم / محمد بن فطيس المري والذي يقول فيه
الظيقة اللي دايمن تالي عصير وش حيلتي واردها لاتجيني
ارجو أن ينال أعجابكم ويشفع لي عندكم عن الغياب
[poem="font="simplified arabic,5,black,bold,italic" bkcolor="transparent" bkimage="./images/backgrounds/29.gif" border="none,4,gray" type=2 line=0 align=center use=ex num="0,black""]بي ظيقتن شكى بلاها بن فطيس=لهاسبب واحيان تاتي بلااسباب
من دونها حطيت درع ومتاريس=وقفلت عن زفراتها كل الابواب
اليا اقبلت قمت اتعوذ من ابليس=واقرا عليها من تبارك والاحزاب
لاشك تبغتني بسود الهواجيس=اللي تكشر بالثنايا والانياب
تنقض علي المسملات المراميس=وجرحن على طول المدى مابعدطاب
وعهود قفت رسمها بالقراطيس=ووجيه غابت ذكرها مابعد غاب
بالشعر انفس عن عنا الروح تنفيس=واطرد طيور الهم وان كانت اسراب
ولولا الأمل يشعل بدربي فوانيس=واشوف باقي لي مواليف واحباب
لاأذوب مثل الشمع تحت المقابيس=من همي اللي ثبت بجوفي اطناب
والداله اللي بالمرابض كما الكيس=سالي فؤاده ماحسب أية حساب
يلومني على شعور الأحاسيس=ويقول طنش وانتعش وانس الاتعاب
وانا ادري التطنيش حل المفاليس=اللي على الهامش لو الروس شياب
اهموهم لقمه .. ونزوه..وتدليس=وآمالهم حلمن على لسان كذاب
طال الكلام وبالظلوع الميابيس=باقي حكي..وهجوس..وشجون..واسهاب
من ضيقتن شكى بلاها بن فطيس=لها سبب واحيان تاتي بلااسباب[/poem]