صـفـنا مادخلوه مفرقين الحمايل(حفل الشيخ رويشد السميري )

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]
ما على القاف نقص ولا على الفكر زود= ياهل القاف والميقاف. والشك زايل
أسمعوا : والقصايد فوق فرض الوجود=ودون ليلاً صباحه/ طيب ساس/وفعايل
ليل من قال طنخة أجودي(ن) .. وجود=قلت ياوجد حالي كل ما قال..قايل
يطنخ الذكر وان هبت على البيد نود=جيت أهيجن واسوق الشعر سوق الرحايل
لومقص الرقابه حط ليه قيود=وانا سني ولا أملك غير جزل المثايل
إن بدينا بها مدح أرعدي يارعود=لين وادي سرار يجيك سيله دلايل
عن نبا شيخ قوم بكل طيب أمعدود=شيخ فعل ومع أهل القول قايل وطايل
أبو سلطان وان جت للحقايق شهود=أشهد إن أسمه يشرّف مابين القبايل
ويوم غيره مكاسيبه بجمع النقود=هو كسب (نعم ) في يمنا الكرم والجزايل
كلمة(ن) دونها حبل اللزوم أمعقود=عقده ابحلها تقصر طوال المحايل
قلتها من ضمير(ن) ماتحده حدود=وكل ربعه مثل طبعه مابه كف مايل
أنتجمع على الطاعه وسلم الجدود=وصفنا مادخلوه مفرقين الحمايل
ولا عقلها على قول المثل غير عوّد=والثناء والشكر لله جزل الفضايل
جل شانه إلاهـٍ شكرنا له سجود=يوم شافى أبو سطام راع الجمايل
أبو سطام وان قلت أحمد أرقى سنود=ويرتقي كل حرف بذكر واف الخصايل
أبتدي وانتهي به وانتهي ثم أعود=وراعي الجود طيب وزود مثل المخايل
وقعها أبلغ .. وأنا بنثر حروفي ورود=وكنها تقول ماجور وعسى ( الباس ) زايل[/POEM]