تويت
؛؛؛ ناس مع الكلمه يروحون ويجون ؛؛؛
بمشي على درب لـه النـاس يسعـون
وأصـد عـن درب الدجـى والعتامـة
وبقصر اليسرة عـن الضيـم والهـون
وأطلـق يمينـي للصخـا والكـرامـة
وبحترم نفسي وانـا شخـص ممنـون
ومن يحترم نفسـه وجـوب إحترامـه
ماني من اللي في ذرى الحيط يمشـون
ولا مـن اللـي معتلـي فـي مقامـه
متواضع وأمشي على الحـق بالهـون
متـوسـط المعـرفـة والشـهـامـة
ولي مجلس دايـم لـه النـاس يلفـون
شرعـت بابـه والــدلال العـلامـه
مايفتـح إلا فيـه الأجــواد يـدنـون
ويالله عسـى اللـي يقـرب للسلامـه
هذا طريقـي وأكثـر النـاس يـدرون
صديـت عـن دربٍ حلالـه حرامـه
ميزت ربعـي بيـن عاقـل ومجنـون
وأكشف بليـد المنفعـة مـن سلامـه
وأهل المصالح لو علـى يـوم يبنـون
فـي يـوم ثانـي يرغبـون الهدامـه
وأهل الحكي لو لك عن الناس يحكـون
بيجيـك يـوم ويقصـدك فـي كلامـه
لاصار سيفه لأقـرب النـاس مسنـون
يضرب رفيقه وإن قوى فـي عضامـه
ناسٍ مـع الكلمـه يروحـون ويجـون
بـس المصيبـه يـدّعـون الفهـامـه
ولانيـب ديـان ولانـيـب مـديـون
ولا بغيـت مـن الهـروج المـلامـه
ولا طلبـت مـن المخاليـق يبـكـون
ولا بغيـت مـن الحزيـن إبتسـامـه
بمشي بدربي وأتـرك النـاس يمشـون
كلن علـى كيفـه يرقـى كـل هامـه
ولا صرت أنا من راعي الطيب مطعون
بيستـوي قـرب الرفيـق وعـدامـه
وإن خاب ضني بأقرب الناس وشلـون
بعطيـك ضنـي يارفـيـق النـدامـه
قصيده رائعه
منقول
.gif "وردة لك")
تعليق