يابو محمد الخواجا رثع فية ..

بسم الله الرحمن الرحيم
السلام عليكم ورحمة الله وبركاتة
هذة القصيدة كتبتها عندما ناقشني أحد الأصدقاء ليش تركت الجيوب وأنا خابرك راعي جيوب
ورديت على سؤالة بهذة القصيدة

[poem="font="simplified arabic,5,black,normal,normal" bkcolor="transparent" bkimage="./images/backgrounds/27.gif" border="none,4,gray" type=2 line=0 align=center use=ex num="0,black""]
يابومحمد الخواجا رثع فية = رحنا ضحايا لليهود الصعاليك
الجيب عفتة يوم يفرك براعية = مايمسكة تخفيف سرعة ولا بريك
سعرة خيالي والدعاية تمشية = أحدن شراة بكاش وأحدن بتمليك
أخر موديل أظن جني مخاوية = حالة تجية يفض مع الخلا فيك
أخاف لأركب فية مرة ولا أشرية = أنشد مجرب ياولد عنها أوصيك
ودة ولد قناص دايم يبارية = يضبط عيارة لا أنخطف مايجي بيك
أعتب على حظك يصيبة ويخطية = كان الطلق ماصار بأحد الشبابيك
وحاول بة السواق وفشلت مساعية = لو كنت بة حريف بس أرفع ايديك
الكارثة لاقام يفرك ايدية = غصب علية يطوف هذي ورا ذيك
ماهو على كيفك أجباري تخلية = لمقيط هو ورشاة ودة يوديك
الموتر اللي لأندعم راح شاصية = والواجهة صدام فيبر بلاستيك
خلة يولي لايغرك ببودية = خسارةً تشرية نقدي ولا شيك
يم الوكالة كم واحد مودية = شرة علية ولايجيني ولايجيك
الله على اللي ماتحطم براغية = الفين وستة وماقبلة هذوليك
اليا انصدم بساع تقدر تسوية = ماتنقطع وتروح تمشي على اجريك
حديد صلب وقيمتة دايمن بية = أبو شنب والقير ماهو تماتيك
على مزاجك وين ودك تمشية = حسب هوى رجلك ياخذ ويعطيك
[/poem]