؛؛ قم سو يامقرن البلوي من الكيـف فنجـال ؛؛ خخخ

قم سو يامقرن من الكيـف فنجـال
اسكـب وكـب البـن بالشاذلـيـه

في مجلسٍ يجمع بني عـم ورجـال
اهل الكرم والطيب واهـل الحميـه


انا من الفرقا غـدت حالتـي حـال
شهور واجد عنـد غيـري شويـه

يازين شوف البر يشرح هوى البال
تبعد عـن ديـار الغثـا والرزيـه

شوف الربيع ينقـص الهـم لاطـال
لاوالله الا يبعـده عــن خـويـه

حول العشب والنبت حطيت منـزال
على سطيح العشـب وارضٍ نقيـه

خصٍ ليا عنـدك بعاريـن وجمـال
تسرح بنوقك كـل صبـح وعشيـه

ابـلٍ مغاتيـر وارقابهـا اطــوال
كمـل حلاهـا مـالـك المقـدريـه

ياوجد حالـي كـل ماقلـت يـالال
نسيـت كـل اللـي لـدي وعليـه


كم قالها قدمي من الناس كـم قـال
منايـح وبكـره تجـي ذود مـيـه


علي الحرام ان يرخص العمر والمال
الابل عطايـا الله مـن الله عطيـه


شفي لوضحٍ قدمهـا الخيـل خيـال
من دونهـا الاسعـار ياهـي غنيـه

هذا هوى قلبي وهـذا هـوى البـال
مافيـه ذوقٍ يدخـل الـراس زيـه

ويالله تمطرنا مـن المـزن همّـال
تسقي شعيـب ديـار نجـد العذيـه


مقرن










منقول