مرثية الشاعر ضيف الله صالح العنزي بالشيخ محمد بن نهار أبوشامه

[poem="font="simplified arabic,5,black,normal,normal" bkcolor="transparent" bkimage="" border="none,5,gray" type=0 line=0 align=center use=ex num="0,black""]لاعدت ياعلم ٍ لفا بأول العيد=علم ٍ فجع روجي وفجـّر اعبرها
زلزل صفا عيدي وزدت التناهيد=والنار في قلبي وكبدي سجرها
والحزن بدت له عليّـه شواهيد=وعفت الكرى عيني تزايد سهرها
من يوم جاني علم نسل الاماجيد=يوم اصطفاه الله إبغرّة شهرها
بيوم ٍ به أنرد التهاليل ترديد=عيد الفطر جتنا وفاته خبرها
مرحوم ياللي ماكسبت المناقيد=وروحك عسى ربي يسهّل سفرها
والله إيشيـّـد منزلك خير تشييد=وجنـة عدن تنعم بلذة نهرها
ويعطيك ربي فوق ماكنت وتريد=منازلك عسى بعالي إحجرها
والله يابو حسين لو كان بالأيد=إنك عيوني ماتفارق نظرها
لاشك عمر الآدمي له تحاديد=ومقدّر الآجال خالق بحرها
مرحوم يالي يوم دور البواريد=إديارهم ماحدٍ يقرب إنقرها
يوم إنـها عند امهات المفاريد=من دون ذيك الوضح ينثر حمرها
إليا اعتزت بارجالها زينة الغيد=جتك العيال اللي تقادح شررها
جوك الشواما والنعم بالصناديد=يادار الهيجا وهلّت مطرها
عدوهم ياما تجرّع مقاصيد=بفعول من يردون غبت خطرها
صيداتهم دايم إخيار الاواليد=من كف من عن الخطر ماقصرها
اليا اقبلوا على الأصايل عراجيد=ياويل ذاك اليوم من في نحرها
وبيوتهم للضيف تزمي كما الحيد=تكرم بوقت الجوع ضيفٍ خطرها
نالوا فخرها يوم قل المواريد=يوم السنين الشهب نالوا فخرها
اقولها وعندي على القول تاكيد=مكارمك بالطيب حنا انخبرها
الضيف عندك مايحس الملاهيد=ويقلط على حايل عريض ٍ فقرها
إسمك مخلد مع هل الطيب تخليد=ويبقى على طول السنين ودهرها
من يدرك الطولات نال التماجيد=وكلٍ يشيد ابسيرته لاذكرها
وصلوا عدد ماغرّد الطير تغريد=على محمد عد ماثمر شجرها[/poem]