قصيده نصح

ابنصحك عن خاينين المجالـيس عاشر حكيم الراي والنذل خله
رجل ليا جيته هروجه مفالـيس ورجل ليا جيته ابد ماتملـــــــــــه
ورجل اذا شفته تعوذ من ابليس ورجل تشوف بوجهه الخير كله
ورجل يعكر دنيته بالدنافـــــيس ورجل به الايام عيت تحله
ورجل يهدم دنيته بالوسـاويس ورجل يعقد الراي ورجل يحله
ورجل حياته كل ابوها عواكيس ورجل حياته مثل ماقيل فله
ورجل كلامه مثل ضرب الدبابيس ورجل كلامه مايجي فيه زله
ورجل لاجل ربعه يجيب النواميس ورجل يجيب الكارثه والمذله
ورجل يصر المال في داخل الكيس ورجل على المحتاج ماله يهله
هذي وصايف قلتها لك بتـــــقييس وانت الفهيم وكل درب تدله
لو الفقر ضيف وحنا معــــــــازيب يامرحبا بالفقر دقه وجله
الفقر ماهو عيب تدري وش العيب انك غني والبيت محد يدله