تويت
القلب
القلب ليما داعبه واهج الـــــود | وش قيمته مع حامله بين الاضـــلاع
يلي نويت الهجر والصد والبعــــد | مالك خفوق بين الاضلاع يلتــــاع ؟
ارفق على قلبٍ يحبك بحبك تجوّد | وعطاك حبل الود باعٍ بعد بـــــــــاع
لا لا يغرك زينك اللي تسيـــــــــد | وتصير في ذبح المخاليق طمّـــــــاع
في مبسمك في خدك اللي مـــورد | وعيونك اللي حطها ربي وســـــــاع
عذاب قلب مولعٍ لك تــــــــــــودد | يشري غلاك بغال الاثمان مابـــــاع
وأنته على غاليك سيفك مجـــــرد | وفي كل لحظة منك يفزع ويرتــــاع
خوفٍ على زرعه للنذال يحصــّد | اللي سقاه الدمع لين أينع إينـــــــــاع
يلي غرامك في فؤادي تمــــــــرّد | وخلاني أنثر دمعة الود فالقـــــــــاع
انثر غزير الدمع لك وأتوّجّـــــــد | ترى الهجر ياصاحبي يوجع أوجاع
كني غريمٍ للخلايق مطــــــــــــرّد | أمشي على البيدا بلا هدي وسنــــاع
صاغها شعرا/ محمد بن سعد بن كويبين