مجاراة الشاعر سالم البلوي 000 ياطير شلــوى

يقول الشاعر سالم البلوي


ياطير شلوى


البارحه جــــبت القـــــوافي على الوا
في ساعــــة ٍ فيها الذيــــــابه تعـــــاوا
ماجــــيت اداري وأنـــحــني وآتحــلوا
جيت انحت إسمي يوم غيري تهـــاوا
لنـّي ليا مني توازنـــــت ..... بلــــوا
والجـــرح مني ... جــــرح ماينْـتداوا
ماهمـــني تصفــــيق ليــلى وسلــــوى
همـــي رضى ..رجــــال ماينـْــــتقاوا
لي دلو يســــــواله ثمـــــانين دلـــــوا
يروي عطـــــاشا من عطـــشـْها تخـاوا
والشعر لي من ضيقـة الصدر سلــوى
لو كان لزحــــول الرجـال يتـــــراوى
والشعــــر بعضــــه ينبلع بلــع حـلوى
والبعـــض كن اللي يجيبـــه مْخـــــاوا
كنه على نار المجـــــــوس يْتـصَــــلوا
لــــين اصبحت عينه كما عين جاوا
لا شـــك هاك العــــلم ياطــير شلوى
لا ضقت دوك ضلوعي العوج ماوى
ليه إتـّــعـــنى من ثــول لــــين سلـوى
مادامـــت حظـــوظ الخلايق تساوى
والعـــبد له يوم ٍ من الـوقت يِلــوى
ويـــذكّــره باللي مــن سنيــن خــاوا



مع التحيه للشاعر سالم البلوي
و هذه مجاراه وليست تحدي والذي دفعني هو ترحيب الشاعر بكل من يرغب مجاراته


البارحه مع هاجس الشعر خلوا = بين الظلام وبين همس الخلاوا
اتعبت فكري بين ملوا وملـوا = رحت اتلوى مع طريق الملاوا
حدتني الطرقه على الدرب اللّوا = ومساهرة صوت الذياب المقاوا
سمعت لـي قالـه وقالـه وقلـــوا = شبه التحدي بين الفا - وواوا
سلام يجلى غاية النفس جلـوا = والطيب يهدى للنفوس الصفاوا
ياراعي القاف الخطير المبلوى = با لله لاتـفتي علينا فتـاوا
لاتحسب انك شاعر الوقت ذلوا = ذا الوقت عصرالشعركلٍ تقاوا
شاعر لكن ياصاحبي لا تعلــوا = ترا النزول يكون بعد العلاوا
انكان شعرك يطرب البال تلوا = منا وفينا ذخر عند العزاوا
ونكان ودك تاخذ الشعرغلوا = احرص ترى نجوم الليالي تضاوا
العاقـل العالــم لعلمـه عـقلـوا = واللي عقلها شاعرٍ ماتزاوا