ألا ياقلبي الظامي شرابه كيف يحصل له

قصيد عميقه للشاعر زايد بن عوده منقره البلوي .. ومناسبة القصيده انه سمع بالقبض على احد زملاء العمل في قضية تهريب مخدرات .. والمصيبه تكمن ان ابا المقبوض عليه من اعيان البلد .. وكان الشاعر له علاقه بابي المقبوض عليه .. فكما يقول ( تاهت افكاره )




[poem=font="Simplified Arabic,6,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
انا البارح قضى ليلي وانا جالس على الدله "=" عزيت النومه الحلوه عيوني ماتدانيها
فقر دم وفقر جيب وفقر نوم الهنا كله "=" ومع ذلك نسايرها سنين العمر يطويها
اعاني ليه ما اعاني زماني ليه ما مله "=" زمان جارت سنينه من اولها لتاليها
غدرني يوم يرمي لي شراع البوت ويفلّه "=" عشان ابحر بموجة بحر معدومه شواطيها
سنينن سيفها بارز تحاسبني على الزله "=" ولا ادري ويش متخفي ورى مجهول باقيها
معي ذكرى من الماضي بقايا روح محتله "=" كفيله تحرم عيوني لذيذ النوم ما يجيها
انا اللي تاهت افكاري ودربي صرت ما ادله "=" وعيني شوفها قصر لك الله ما يقديها
عذولي انت ما تدري عن الاسباب والعله "=" ولا ودي تناقشني بها وتجيب طاريها
عليل ٍ ينقل جروحه ولا يشكي لخلق الله "=" ياليت الناس ما تسأل عن احواله وما فيها
علام الناس مشغوله تعقد الحبل وتحله "=" يزيدون الجروح جروح ولا فيهم يداويها
ولا يدرون بالواقع بشر ما عندهم مله "=" على الخمين والظنه سوالفهم تلاقيها
الا ياقلبي الظامي شرابه كيف يحصله "=" اليا صارت مواريده خطيره كيف ياتيها
ولا والله بيه خوف ولاني حاسب الذله "=" لكن ندرى على سمعت رجال ٍ نعتزي فيها
وحلاة الشي لا منه وصل واقبل على حله "=" على ذوق .. وعلى شيمة عرب .. حنا نراعيها
[/poem]