تويت
عندما اقول شي مــــا قلته . . !!
السسلام عليكم ورحمة الله وبركته :
شطحه قبل ابدء ..!!
شبكات التواصل قلق.. والهوامير هما اللي مبسوطين فيها اخر انبساط
وكميه من هذولاءالهوامير تآفهين ومتابعينهم اتفهه
ايش اللي يغرد ب ( . ) و يجيلو عليهآ 4980 ريتويت 368 فيفوريت
وانا اسوي فورمات لمخي كل 24 ساعه وفي الآخير أكلم نفسي *دمعتين و شهقه*
انا أستحق انا الأفضل << انقلع بس
يالله حي كلن بأسمه وحشتوني كثيررررر
والله ان ودي اكتب مواضيع وكل ما نويت يجي ظرف ويصفطني وانسى >>كذاااب
ترا الموضوع عبارة عن سوالف مالها سنع
تدري متى تحس إنك بزر ؟! إذا رحت للمسنجر بتسويلك إيميل علشان تسجل بمنتدى , تحس إن الكمبيوتر قلب عج من كثر الغبار اللي فيه " يا قديم ياراعي الإيميلات "
ياخي بعض المنتديات تحوم التسبد مثل وجه بعض النااس هو رايح لدوامه السبت
لازم من شروط التسجيل إنك تسجل بإيميل صدقي , نعنبوك أنا فاضيلك اروح أتطاق انا والكمبيوتر لين اسويلي ايميل صدقي , يازين منتدى بس حط أي ايميل وأمر الله من سعه > هذا اللي بينحذف بعد شوي 
قديمك نديمك لو الجديد كان زين أنا في حياتي ماقد واكبت الموضه والدليل القاطع إن العالم كلها راحت للتويتر والتيس بوك والإنستقرام والطرطه وتركت المنتديات وأنا إلى يومكم هذا اثبت مواضيع
ماش ماهضمتها هالمواقع , الله يا أيام المنتديات يازينها ويازين الباند لامن لخيته في جبهت الواحد
ويازين لامنك صرت مشرف وقمت تثبت مواضيع أخوياك وتمدحهم عند الإداره والمشرفين , ولا دخلت على موضوع واحدن تكرهه وقلت له " موضوعك مكرر ينقل للزباله " مع إن الموضوع مهب منقول بس لعانه فيك علشانك تكره هالعضو وقمت تستقوي على هالضعيف , الله يا زين هاك السنين , أما هالأيام تدخل لتويتر وتروح لي (مقرن) وتقوله تكفى سو لي ريتويت وفولو , تحس إنك يماني نصاب داخلن مسجد تشحذ قريشات ودراهم -
-
قديم كانت القلوب على بعضها وكانت صلة الرحم موجوده وكانت امي ترسلني لبيت جارتنا أم سعد تبغاني اجيب كوسه وطماط , وأروح هناك العب مع ولدها وأنسى الكوسه والطماط وأجيها اقول : ماعندهم شي
, ونرسل لبعض الاكل ونعزم بعض على القهوه جارتنا ترسل لنا قدرين رز ودجاج وحنا نرسلهم صحن بطاطس علاه كتشب منتهي يرقدون عندنا ونرقد عندهم ولامنا جينا بنطلع من عندهم سرقنا مخده وبطانيتين
أما هالأيام عوذ بالله كل وحدتن مبحلقه عيونها على الجوال وتبارك للثانيه بالوتساب وتحش فيها وإذا بغت تقهرها صورت لها بالجوال العشا وقالت هذا عشاي اللي سويته وفي الحقيقه تحصلها مشتريته من مطعم طيب على الأقل اعزمي جارتس يامال البلش إن شاء الله ,البيبان مصكره محدن يعزم ولحدن يصل جاره أعوذ بالله ياهالزمن الأقشر !
-
-
- اشترى عمي سياره جديده وجاء ولد عمي الثاني بيسوي نفسه رجال وبيبارك لعمي بالسياره الجديده قال : الله يكفيك خيرها , ويعطيك شرها , أخذ عمي 4 فناجيل ورجمها في عين هالضعيف المسيكين , سويناله عملية فصل الفنجال من عينه ويالله لك الحمد تكللت بالنجاح وعطوه آيباد بعد " بدون شاحن "
-
-
- " وراء كل أسطورة ب كرة قدم بيت كسر لمباته وهو صغير "
زمان كنت العب كوره فالحوش ويجي لفريقي بلنتي وانا اصايح براسي كله: انا بشوت انا بشوووووت .. المهم شت الكوره وهي تصقع باللمبه وتنكسر وابوي يطلع : من اللي كسر اللمبه .. وأنا اعدي وادخل البيت وتجيك مطارده بيني وبين ابوي نفس اللي في توم وجيري .. وأنا أعدي التفت ورا بشوف ابوي للحين يلحقني ولا , لا .. وأنا أصقع بالجدار وهو يمسكني ويعطيني ويعطيني ويعطيني لين ماتفلت العافيه
.. ثم قلتله : تراها " لمبه " ب 20 ريال .. قالي : ما دامها بعشرين ريال أدفعها يالسلوقي .. المهم بعد السالفه هذي قررت الإعتزال الدولي وكرموني بين الشوطين والهديه كانت ( قوطي ببسي يمشي 220 حتى أستقرت في منتصف الجبهه ) !! 
-
-
- مرتن من المرارير دخلت المسجد وأاا اكبر واصلي وجمبي شايبن , طبعا فرشة المسجد عليها خط بني وكل المصلين واقفين علاه إلا هالشايب واقف ورا الخط بشوي , وكل دقيقه وهو يجرني يبغاني ارجع , وانا اقدم ابغاه يقدم ويوم جينا نركع وهو يمسك طرف ثوبي ويرجعني عاد انا قلت شكل السالفه مطوله وانا امسك طرف ثوبه واقدمه ثم بعدها هجد ولا قعد يسوي شوي , لدرجة إني سمعته في السجود يقول : ربي اغفرلي ذنوبي !!
وبعد ما سلمنا وخلصنا من الصلاة وهو يقرب فمه من اذني ويقول وهو يصايح : سلالالالالام علييييييييكم
قلت له : وعليكم السلام
وهو يقوم ويروح , الظاهر إن الجني اللي فيه راح
صويبعاتي تكسرت وامي واقفه على راسي تبغى جريش يله تقلعوا
هذي صفحتي بالتواتر .. اللي وده يتابعني وياخذ له صوره 4 في 6 يجي هناك
>>> امزززح +
.gif "وردة لك")
.gif "استسلام")
تعليق