قصيدة الشاعر سعود كايد العصباني البلوي مسندة إلى الشيخ سعود بن عياد الهلباني البلوي

هذه القصيدة وليدة هذه الليلة بتاريخ 9/8/1434هـ وهي مسندة من الشاعر سعود بن كايد العصباني البلوي إلى الشيخ سعود بن عياد الهلباني البلوي
[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=1 align=center use=ex num="0,black""]

البارق الخطاف

على البارق الخطاف سنّدت لي مسنود=يبوج المسافه بوج لمعدّي المشراف
رفيع المنازل ينذكر مع هبوب النود=زعيم المراجل ينعرف حزة الميقاف
أنا مانصيت الا عزيز المقام سعود=عقب طلبة المولى وانا ساعيٍ طواف
سعود ابن عياد المسمى سليل الجود=ينومس بلي ويمد للمد زاف وزاف
من اعياننا حنا نعده وهو معدود=على قد هقوة لابته يرمي الاهداف
أبو مشعل اشعل للمواجيب طيب العود=ويشعل قناديل التقاليد والاعراف
بوقت الحميه سيفه الجوهري مجرود=وكفه نديه دوم من صيته الهتاف
سقى علمه الغانم وعلم الوفا مردود=يرد النقا لو كان مترامي الاطراف
اشوف ان درب الما خضر بالزهر وورود=واقول ان درب الطيب يثمر على المقطاف
أبسمع من الهلباني ابشر على المقصود=لياجاه مسنودي على البارق الخطاف
[/poem]