تويت
وش يفيـد التـاج لـو جنبـه نـجـوم
لـو تعلقـهـا عـلـى كـتـف الحقـيـر
الـرتـب ماعمـرهـا ســوت قـــروم
الـرجــل رجــــال لــوانــه خـفـيــر
وش يفيـد المـال لونـه الـف كــوم
لـو ملكـه انسـان ماعنـده ضمـيـر
يحرم المسلـم ويعطـي للخصـوم
ذاك مالـه ينقـلـب جـمـر وسعـيـر
وش يفيد السيف في وقت الزوم
لو مسكه اللي يخاف من المغيـر
ذاك رخمـه لـو درس كـل العـلـوم
والرخـم رخمـه ولــو وصــل وزيــر
وش يفيدالزين فـي وجـة النعـوم
لو جعل نفسه مثل شوق وعبيـر
الجمـال اخـلاق عــادات وسـلـوم
والـتـشـبـه بـلـخـكـاري مـايـصـيـر
وش يفيد الشيخ لو عنـده ختـوم
دام يرجـف لـو وقـف عنـد الامـيـر
ذاك شيخ اختوم ماهو شيخ قـوم
الشـيـوخ اتعـيـن وتـفـك الاسـيــر
تعليق