يـآلجيب.مـآلي.في ذرآ . نجد مجلأس..~

بسم آإلله.آإلرحمن.آلرحيم..~

يالجيب مالي في ذرى نجد مجلاس .... متى على ديار الشمال أنتخاوى
يرتاح قلبن دكه اليوم هوجاس .... عنده حياته مع مماته تساوى
وأنته زبون الطيب للحرب ترباس .... تسري مساري موحشاتن تعاوى
خذ خانت الخامس من حمود لاداس ....من فوق بلسك والبسيطه تساوى
القلب كنه يحمسونه بمحماس ... واليا سهج درب القصيم أيتشاوى
ومع العصر نخيت انا راعي الباس .... وفللت تنكينه بعيد الخطاوى
ومع المكينه تسمع لزفر الانفاس .... زفرة حصانن شايف عيال أوى
وطاف المواتر كلها اشكال واجناس ... وصارت نجومن من سماها تهاوى
اليا نطحك تشوف به ذيب الاخماس .....ساري وله خمسة جراون مقاوى
واليا قفيته كنه الطير قرناس ..... لا شاف صيده وانحدر من علاوى
انا اشهد ان الجيب عزن ونوماس ... ماهو كلام مكثرين الحكاوى
يقولها الي راكب الجيب عساس .... عزمه عن ديار الحيا ما تثاوى
لامر حايل دق بالقلب الاجراس... هاضت جروحن بالحشا ما تداوى
لا باس ياقلبن شكى البعد لا باس .... احكي على نفسي سوات المخاوى
كله سبايب شمريه من الناس ....تتل قلب حمود تل الرشاوى
وجدي عليها وجد سالم لجساس ... لاشفتها قلبي وعزمي تقاوى
احبها والحب من دون مقياس .....حب الشرف للي لها القلب هاوى
لو ترجع الدنيا ابا أعصب لها الراس... ماني على الدنيا كثير الرجاوى
وأنخى بلي واسرج لها قب الافراس ....وأنطح جموعن بالوغى ما تساوى
من دونها ننطح هل الدرع والطاس ... ومن دونها لو راح عمري فداوى
وإن جيت لي يازين قدرك على الراس ... عيني وقلبي لأريش العين مأوى
هذا الصحيح ولاني اليوم هلاس ...ثابت كلامي لو همومي تلاوى
مير البلا لا طاحت الفاس بالراس ...وحان الفراق وهل دمع النداوى
بشرت ياقلب المعنى بالافلاس ...لو أتعزوى ماتفيد العزاوى

أخوكم آلشـآعـر / حـمـود خـلـف دحـل المـيهـوبي

صح لساااانك

آلشـآعـر / حـمـود خـلـف دحـل المـيهـوبي
صح لسانك يالذيب

انا اشهد ان الجيب عزن ونوماس ... ماهو كلام مكثرين الحكاوى

انا اشهد الله يعطيك العافيه وصح لسانك وفالك الشمال ..

صح السانك ولاهنت


والله يسهـل لك امـركـ