قانون الزواج

يالله يابيوت الفكر و الأفعال و الحِكْمَه=نجمع للزواج أحكام مِنْهَا نصنع القانون
ماحد(ن) مُجبر بعلمي كل(ن) يعجبه عِلْمَه=ودّي أكتب المبدأ ثم أعطيه للمأذون
لاتزوج قليل البِر مايهمّه رِضا أمّه=لَصار الأم ماتْهمّه بنات الناس مايهمون
لاتزوج سخيف الهرج واللي ماحَفَظ فَمَّه=سِرَّه في حياته تاه كل الناس بَه يدرون
لاتزوج بعد كذاب واللي يزوِّر الكِلمَه=يعيش بدنيته خاين هاين أسرته و يخون
بنت الصاحب إحذر لاتكون لصاحبه حُرمَه=حتّى لو بها شينه يجاملها وهو مغبون
وإلاّ لو ظَلَمْها الزوج تَسْكِن في وَسَطْ ظُلمَه=صاحب يفقد الصاحب بعد ماكان هُوَّ العون
فَهِّمْ فاعل المعروف قبل مايحرجَه فِهْمَه=ماينفع يجي الداين يخطِب وردة المديون
يَدِّ(ن) تِعْطي و تبني مُمْكِنْ طِيبَها تهَدْمَه=لمَّا لخيرها تطلب من اللي بخيرها يبنون
واللي أدمن المُنكَر وإلاّ يجاهر بإثْمَه=لاياخذ بنات النّاس وهُو في غيرها مَفتون
وِدْنَا نحَقّقْ القانون قانون الزواج إسمَه=يقول الزوج هُوَّ العين والزوجه سواد النون

من همسااااااااااتي



خالد البلوي

هـــمـــساااات ولاأروع ...........
الشاعر والأستاذ / خالد صح لساانك .........

يعطيك العافيه اخوي خالد على الهمسات الرائعه

همسات رائعه
من شخص رائع
لك ودي

هنا المشكلة تكمن بكيف يدري المأذون ؟!!

مشكلة إجتماعيه نحلم بحلها ولكن ,, |إلى متى ؟

صح لساااااااااانك ملايييين أبو ريما
روعة الحرف وروعة الفكر تجتمعان هنااااا

صح لسانك يابو ريما .

كل الود