الأقراب

ياالله دخيلك كلهم صارو احباب

يالله دخيلك كلهم صارو ا احباب



يالله دخيلك كلهم صاروا احباب
تب الزمن ماهو إل هالناس تبه

لو جيت تحسب مالقيته ف الأقارب
مجموع الأعداء اكثر من الأحبه !!

أنا و انت و انت ف قلوبنا إعتاب
لكن بعض إيامنا مُستتبه ..

نخاف نفتح قلبنا ينفتح باب
خص القريّب ودنا ما نسبه

والله يا بعض المعارف ف الاجناب
اخلص من قريب النسب ف المحبه

هذا إن تردى ينحسب مية حساب
ولا القريّب لو فعل .. ما تكبه

محدن يبي يبتر ذراعه ولو عاب
عمر السفينه ماتعاكس مهبّه

لو جيت تقطف من عناقيد الأعناب
لابد ما ترمي منه كم حبه

تلقى السبب يوم إتمعن ف الأسباب
و اللي جهل يلقى السبب عند ربه

واللي وطت رجله على جرة الداب
تلقاه حرص بمشيته و يتنبه

و اللي يقول إن البحر سهل كذاب
ما اظن يعرفه زين حتى .. يطبه

واللي يدور مدحته عقب ما شاب
ماتنفعه لا صار مثل الجلبّه

أنا احمد الله مسّت لبيتنا أطناب
نثبت ولو زاد الهوى في مهبّه

و الليا هقيت إني تكاسلت ارتاب
سارعت في كيف الرجال و مشبّه

و يطري علي شطرً بشرهات و إعجاب
ياكليب شب النار يا كليب شبه ..

مرحبا بك اخ عزيز بين اخوانك في المنتدى

تسلم اخوي علي فالح ... هذا من لطفك وطيب اصلك.....