بنااااات ساقوا في شمال الرياض

سمعت من بعض الصديقات وبتحديد قبــل اسبوعين تقريباَ وجود نساء في حارتهم في شمال الرياض يسوقون سيارات
وهذي على حد كلامهم مو أول مرة يشوفونهم
وبما انهم ساقوا اكيد يبون يتحررون على قولتهم مع أن القرار ما بعد صدر بس يحاولون يتدربون ويشوفون الوضع...

وكثير يتوقع ان التحرر مثل ما قال عنه قاسم امين...
وطبعا كثير مايعرف من هو قاسم امين خربها ومشا حسبي الله عليه ..
وهو من دعاة تحرير المرأة (كأننا شاكين له الحال وقايلين له حررنا)..
ومعنى كلمة تحرير؟ يعني مأخذ بالقوة..وأسترد بالقوة..
وكأن اللي نادوا بتحرير المرأة قال يعني ..
كانت المرأة قبل الإسلام تمشي بــــ بكيني بين القبايل ..
ولا استريتش ماركة نينا ريتشي ..
ولا كريستيانانديور "بني حنظل" ....
وجا الإسلام وحرمها من ها لحرية اللي كانت فيها
وخاصه العلمانين لاكثر الله من امثالهم والذين يعتبرون السوسه اللي تنخر في عظام الأمة الأسلامية لكن يمكرون
ويمكر الله والله خير الماكرين …
المهم ان قاسم امين ذا كان مبهور بالمرأة المحتشمه والمحجبه
لدرجة كان وده يشوف هذا الجمال الستري المحتشم كيف لو تتبرج
وش راح يصير؟ (( لعنبو دارك يا قاسم امين حنا منسترين ماخلصنا تبينا نتحرر ))
فبدى قبح الله وجه يعمل وكأنه جهاد في سبيل كشف محارم الله (( الله لايوفقه ))
ومن المضحك انه لما جا واحد من المعارضين لأفكارة المريضة
وقاله ممكن تخليني أصادق زوجتك؟ فما كان من قاسم امين الا انه شال عليه الجزمه تكرمون يبغا يضربه
وهذا كان رد فعل طبيعـي ..لان الغيره سبقت الفكر..ولان الفطره طغت على الإنحلال..وهذي هي المصيبة الأنذال يبغوننا..عرضه لملذاتهم..وقت اللـي هـم يحرصــون بكل ما أوتو من قوة لستر بناتهم

…المهم ماأبغى أطـول عليكم<<<<نرجع لموضوعنا (( ايو احسن ))

مثل ما قلت لكم شدني الموضوع بعد ما سمعت عن اللي ساقوا في شمال الرياض
وقيادة المرأه بحد ذاته مهوب مشكله ..المشكلة تكمن..في كيفية التعايش والتأقلم على وضع..جديد علينا
وجلست أقول ..لو حنا سقنا بنــطـْلع رخصه و الرخصه هذي لازم فيها صورة لنا والسواقه اصلا كذا أو كذا لازم كشف الوجه فيها لأنه [ قرار دولي يمنع المراة بتغطية وجهها اثناء السياقه] تجنبا لوقوع حوادث...
والرخصه بحد ذاتها مشكله لان فيها الصورة المهم مو موضوعنا كشف المرأه لوجهها

موضوعنا لو صدق سمحولنا وطلعت في راس الحكومه تأيدنا .
في قيادة السيارة وش بيصير … ?? والله وانا بنــــت مابلعتها وشلون عاد الشباب؟؟؟؟
وأنا أقول في نفسي .يا زيني وأنــا جالسه جنب اخوي وهو يقرا جريده وأنا أسوق .. ويمرون جنب أخوي شباب ويأشرون له افتح الدريشة(( يعني الشباك)) ويقولهم أمرو..
ويردون يقولون له اسكت انت حنا نكلم السواق
طبعا مايقدر يفتح فمه الا بقولة( ابشر) ..

وتخيلت شكل بنت توها طالعه من الدوام فـاش الكفرعليها وواقفه في نص الشارع طبعا ماهيب عارفه كيف تصلـح الكفر
وصافين جنبها سبعه وسبعين سيارة بيساعدونها (( جزاهم الله خير يدورون الاجر )) وعلى مية متر قدامها واحد معطله سيارته ومعطينه الشباب اشكل
(( يمكن مأشر بالمنديل كيف يشوفونه الشباب))
ولا ذي الزحمه تحت ذا الشمس والسيارات واقفة والسبه ثنتين متصادمات في بعض
وكل وحده نازله بعجرتها للثانيه والشباب ما ودهم يفكون عاجبهم مناطح الغزلان
وغير كذا خايفين يفكون بينهم ويلمسون شي مخالف للشرع!!
وياخذون لهم 18 جلده على ايد هيئة الامر بالمعروف والنهي عن المنكر ..

ولا تخيلوا معي لو توسع اشوي وتقوم مطاعم ((الفاست فود))والمطاعم اللبنانيه ..والشعبيه بتوظيف بنات لتوصيل الطلبات.للمنازل…
ياااااااربي وربي ان شبابنا بيطلبون الاكل على حسب زين اللي توصل الطلب..
وطبعا الحين شبابنا رضوا اننا نطلب من بره وهم الي بيحاسبون كل هذا خوف علينا احنا البنات عشان مانطلع برا في الحوش ويدخلنا برد يقولون خلونا نفتح الباب احسن وبنباشر عليكم..
عاد قبل لاتجي البنت اللي توصل الطلب يكون راح للسوق وشرى شماغ جديد وثوب جديد وجزمه جديده وشاري نظارة كارتير تقليد وساعة روليكس سنغافوريه تقليد ..كله بس عشان استلم الطلب من سواقة المطعم .
ومحلاها لو تكمل عاد ويخلون سواقين الليموزين بنات
اقطع ايدي اذا شبابنا ركبو سياراتهم اللي مزعجين أهلهم الين شروها لهم بحجة سياراتي في الوكالة أو في الورشة
<<<يصرف الأخ ويقول عندي مشوار بعد نص ساعة ولازم أروح بتاكسيه=تاكسي

*ســألت بنات كثير وش بتحطون في سياراتكم ؟؟
وأغلبهم كان ردهم علي ان سياراتهم اللي بيسوقونها
بتكون مليانه صور
اللي قالت صورتي على العداد أهم شئ
والثانيه قالت صورت اختي الصغيرة على الطبلون,واللي تبي ابوها وولدها...
والثالثه قالت صورت زوجي تحت سليتر البنزين اذا كنت زعلانه عليه...
<<بزعمهم مايتخلون عن الصور( تخبرونا أهم شئ عندنا الصور )
عشان كذا من الحين بنخلي سياراتنا استديو عرض...

المهم في النهايه ابغى اسأل كل بنت تطمع انها تسوق ..لو حصلك حادث لاقــدر الله وكنتي بروحك..من ظنك بيسعفك ويشيلك ويكشف عورتك؟ ظنك بيستنون لين يجي اخوك ولا زوجك ولا حتى أي احد قريب ..ايه وربي صادقه ..صدقيني ماراح يكشفه الا غريب .
وادري ان كثير بيقول طيب حتى اذا كانت مع زوجها برضو بتنكشف صحيح بس يكفيها قرب زوجها لها حتى لو كان طريح قدامها...
تكفون ارحمونا ولا تحملونا فوق طاقتنا وخلونا لاتغيرون علينا .وتفتحون باب وحنا في غنى عنه ..وخلونا ناخذ عبره من الدول اللي تعاملت بها لمنظور مع فارق العادات والتقاليد والزمان .ولا نحاول انتجاهل الصح ونبرر الخطا بخطا اكبر منه. .
عشان كذا اتمنى ان الـــقرار هذا مايتم..
والله ثم والله لو السياره بحد ذاتها مشكله كان كل بنت لها بدل السياره عشر ..
لكن المصيبه ان النار تبدى من مستصغر الشرر ..
عشان كذا اتمنى انكم تفكرون بمنطقية اكثر ..
واسأل الله ان يوفق ولي الأمر ... والعلماء في رد مثل ها للقرار….

ملاحظه:أتمنى أنكم ما تفهمون كلامي هذا وتقولون متعقدة
أو تقولون الزمن تغير وفيه حريم بالفعل يحتاجون لسواقه
لكن اذا سمحوا صدقوني بيقولون كل البنات إحنا محتاجين أكثر (والشر في الأخير يعم)
ولاتنسون ان فيه ذيابه تنتظر القرار بفارغ الصبر ...
وهذا جداتنا حيو وماتو وما احتاجوا لسواقه وحنــا بنموت
وماراح ان شاءالله نحتاج للسواقه
وربي لو الوحده مننا تفكر بعقلها صح ..تلقى السواقه امرها غلط×غلط
وش نبي بالمشاكل يا زيننا وحنا مرتزين جنب اخوانْا وابوانْا قدام وراكبين وحنا واثقين بعد الله انا دامنا قريبين منهم ماراح احد يقدر يتجرا ويمسنا بطرف ...
الحين اذا ركبنا مع السواق والشغاله لمشوار بسيط مثل الجامعة بعد ما سلمنا !
وشلون عاد اذا صرنا بروووووحنا؟!
وهذا اصلاً أول خطوة لكشف سترنا وفرحة الأعداء علينا
يا كثر الحقودين علينا احنا (((يا بنات الــسعوديــة))))
والله انا اقول هالكلام وانا مقصرة مع رب العالمين
ولنا من الذنوب ما ربي به عليم لكن الله يستر علينا
ويستر على جميع المسلمين












للامانه منقول
من غير اضاقة اي تعليق من قبلي

وشكر

>>>>>>> ناوي يقدم على سواقه من عنده فيزه سواقه؟

كم يوصل عدد الضحايا النسائيه خلال اسبوع ( ؟ )
اذا بالوقت الحالي البنت مع سواق يتحرشون فيها
هههههههه تذكرت سالفه صارت مع شاب
يقول شفت بنت راكبه مع سواق قدام بيتها ، فجاه نزل السواق ودش البيت بياخذ غرض ، وقف الشاب سيارته بجنب السيارت الي راكبه فيها البنت ونزل وفتح الباب ورمي كرته للبنت وشافه السواق ، وركب سيارته بيمشي وتطفي السياره بمكانها ، جاء السواق ركب السياره يبي يحشر سيارت الشب ورجع علي سيارته وصدمها صدمه خفيفه ، نزل عليه الشاب واعطى السواق ضربه على كيفك ، وركب الشاب سيارته ومشي ، البنت سجلت رقم السياره واعطته والدها الي بلغ الشرطه ، سياره الشاب ايجار ورجعها للمكتب بعد ما اعطاها تلميعه على السريع ، المهم الشرطه عرفت اسم الشاب واليوم الثاني على بيته وسحبته مع راسه ، كان بياكل فيها كم شهر وكم جلده ، بس تنازل ابو البنت ، وبعدها بكم شهر ابوه خطب له وزوجه وعمره تقريبا 19 سنه . ويعطيه العافيه الاب الي يبي يستر على ابنه بنت عمك والسلام .

ايش بيسوي الشباب اذا شافو بنت تسوق سياره بيصدمها وبياخذها للمستشفى حتى يبني علاقه والله يستر لايسوي بلاوي ثانيه.

وبالنهايه اقدم شكري لنورة بلي ويعطيك الف عافيه .

01 كنت متوقع ان هالموضوع منقول لكون بعض الكلمات لا تليق بأن تكتبها (بلويه)0
02 لو صدر قرار بالسماح بسياقة المرأه اللي محترمه ما راح تسوق الوضع اختياري مو اجباري والفتن كثيرة والمحافظة محافظة مهما صار من سلبيات للمجتمع ،
03 الشباب مو مثل بعض الموضوع كان ضد الشباب وكأن الشباب هم اللي مخربين الدنيا اللي مخرب الدنيا اللي يبي يدخل في مجال مو من اختصاصه0
04 الرجال والنساء عالمان مختلفان وكل عالم منهما فيه الصالح والبطال فيه الملتزم وفيه المنحرف فيه المتدين وفيه المفرط ، اشياء كثيره الجميع يعرفها ولكن نريد الاعتدال في الطرح وعدم الانحياز0
المرأه معروف مصيرها قبل الاسلام واتى الاسلام وكرمها وحفظ حقوقها وعفتها وانسانيتها0
05 المرأه قبل الاسلام كانت تجبر وتكره على فعل اشياء لا تريدها (لا نود ذكرها) اما بعد الاسلام فقد تلاشت هذه الاشياء ومن لم يعجبها حالها بعد الاسلام ولا تزال ترى أنها مكتومه ومسلوبه الحريه فلا تفسير لذلك الا انها تود أن تعود لما كانت عليه قبل الاسلام ولكن بفرق بسيط جداً وهو انها كانت تجبر قبل الاسلام اما الان فهي تفعل ذلك بإرادتها 0
وللجميع تحياتي والسلام عليكم

اختي



السلام ورحمة الله وبركاته

وبعد


اماالنسبه لموضوع البنات شمال الرياض فهذا خبر غير صحيح

وبالنسبه الى القرار فهذا ليس قرار انما كان اقتراح

وريحو بالكم وارتحو وواصلو التعليم واحصلو على مستوى تعليمي

وترزقوا الله ولاتفكرو في الموضوع نامو نامو نامو


باي باي باي باي

والله العيم اني من اهل الرياض ولا سمعة بهذه الحادثه
ولا هم يحزنون ويمكن في ابس في الموضووع
لن وكالة يقولون مشتغله هالايام عندنا
( بسبب قرب الاختبارات ,,, وتدهور الاسهم )

ويا اخت بلويه الله يعطيكي العافيه على هذا

الاخت / نورة بلي
السلام عليكم ورحمة الله وبركاته
موضوع كما قلتي انه منقول

وش فيها اذا المراه ساقت ؟

هذا هو كان كلام العلمانيين لا كثرهم الله
بعد أن تسوق ماذا يحدث سوف تتبرج وهن الآن ينتظرن صفارة العلمانيين لكي ينطلقن !!!
إلا من رحم الله
وهم الآن ينبحون ويلهثون حول تحررهم المزعوم كما قلتي لكشف الستار الذي يحفظ المراه
أنت !! نعم أنت !! يا درة محفوظة وسط الدرر
لا تلتفتي لنباح الكلاب
فمهما نبحوا ومهما لهثوا خلفكي أنتِ درة مصونة
أنتٍ ابنة الإسلام وحفيدة الصحابيات
أنت كرمك الإسلام بحفظ حقوقك التي اخبر بها خالقي وخالقك جل جلاله
بل إن الله وضع الخيار للجميع
قال تعالى ( وَقُلِ الْحَقُّ مِنْ رَبِّكُمْ فَمَنْ شَاءَ فَلْيُؤْمِنْ وَمَنْ شَاءَ فَلْيَكْفُرْ إِنَّا أَعْتَدْنَا لِلظَّالِمِينَ نَاراً أَحَاطَ بِهِمْ سُرَادِقُهَا وَإِنْ يَسْتَغِيثُوا يُغَاثُوا بِمَاءٍ كَالْمُهْلِ يَشْوِي الْوُجُوهَ بِئْسَ الشَّرَابُ وَسَاءَتْ مُرْتَفَقاً ))
من شاء منكم ان يتبعهم ويكفر سوف يجد جزاءه عند الله
ولكن وعد الله الذين امنوا اقراء واسمع ما وعدهم الله
قال تعالى ((إِنَّ الَّذِينَ آمَنُوا وَعَمِلُوا الصَّالِحَاتِ إِنَّا لا نُضِيعُ أَجْرَ مَنْ أَحْسَنَ عَمَلاً (30) أُولَئِكَ لَهُمْ جَنَّاتُ عَدْنٍ تَجْرِي مِنْ تَحْتِهِمُ الْأَنْهَارُ يُحَلَّوْنَ فِيهَا مِنْ أَسَاوِرَ مِنْ ذَهَبٍ وَيَلْبَسُونَ ثِيَاباً خُضْراً مِنْ سُنْدُسٍ وَإِسْتَبْرَقٍ مُتَّكِئِينَ فِيهَا عَلَى الْأَرَائِكِ نِعْمَ الثَّوَابُ وَحَسُنَتْ مُرْتَفَقاً ))
وخالقنا عز وجل تكفل بنا وبحفضنا ونحن في بطون امهاتنا الى مماتنا وبعد مماتنا ( أحفظ الله يحفظك )
هؤلا شرذمة لابد من إزالتهم من المجتمع وعدم الالتفات لهم واهمالهم

يكفيني فخراً انك تعرفي قدرك عند ربك لا عند الناس
نعم هذا المراه التي نريد
نريدها صوامه قوامه عفيفه ذات خلق ودين


لا نريد متبرجه ساقطه منحله منحرفه تتبع كلام البشر وتنسى كلام رب البشر( وياترى ما هو حالها يوم الحشر )
قال تعالى ((وَيَوْمَ يَعَضُّ الظَّالِمُ عَلَى يَدَيْهِ يَقُولُ يَا لَيْتَنِي اتَّخَذْتُ مَعَ الرَّسُولِ سَبِيلاً (27) يَا وَيْلَتَى لَيْتَنِي لَمْ أَتَّخِذْ فُلاناً خَلِيلاً (28) لَقَدْ أَضَلَّنِي عَنِ الذِّكْرِ بَعْدَ إِذْ جَاءَنِي وَكَانَ الشَّيْطَانُ لِلْإِنْسَانِ خَذُولاً))
سوف تبكي وتذرف العبرات وتتمنى الرجوع لكي تعمل صالحاً
وتقول احداهن السواقة شي عادي حريه شخصية ( اقول لها الدين حريه شخصيه يا ساقطه ) اسمعي اذا كان لكي قلب
وقال تعالى (( وَوُضِعَ الْكِتَابُ فَتَرَى الْمُجْرِمِينَ مُشْفِقِينَ مِمَّا فِيهِ وَيَقُولُونَ يَا وَيْلَتَنَا مَالِ هَذَا الْكِتَابِ لا يُغَادِرُ صَغِيرَةً وَلا كَبِيرَةً إِلَّا أَحْصَاهَا وَوَجَدُوا مَا عَمِلُوا حَاضِراً وَلا يَظْلِمُ رَبُّكَ أَحَداً ))
تبحث المراه عمن ينادي لها عن حقوق وكان الاسلام ظلمها
يا مسكينة انتي بعز الاسلام عزيزه وبغيره ذليله اسمعي الى الرحمن ماذا يقول في كتابه الذي ابتعدتي عنه
قال تعالى (( وَقَيَّضْنَا لَهُمْ قُرَنَاءَ فَزَيَّنُوا لَهُمْ مَا بَيْنَ أَيْدِيهِمْ وَمَا خَلْفَهُمْ وَحَقَّ عَلَيْهِمُ الْقَوْلُ فِي أُمَمٍ قَدْ خَلَتْ مِنْ قَبْلِهِمْ مِنَ الْجِنِّ وَالْأِنْسِ إِنَّهُمْ كَانُوا خَاسِرِينَ (25) وَقَالَ الَّذِينَ كَفَرُوا لا تَسْمَعُوا لِهَذَا الْقُرْآنِ وَالْغَوْا فِيهِ لَعَلَّكُمْ تَغْلِبُونَ))

يا مسكينة سوف تبحثين عن الذي تزعمين انه يبحث عن حقوقك يامسكينة اسمعي وارخي السمع لقول الله عنهم
قال تعالى (( وَقَالَ الَّذِينَ كَفَرُوا رَبَّنَا أَرِنَا الَّذَيْنِ أَضَلَّانَا مِنَ الْجِنِّ وَالْأِنْسِ نَجْعَلْهُمَا تَحْتَ أَقْدَامِنَا لِيَكُونَا مِنَ الْأَسْفَلِينَ ))

فلنرجع الى تفسير تلك الايات في التفسير وتسمع اخبارهم كما هي الان
((تفسير السعدي ))
وفي نهاية المطاف انادي بنت الاسلام أن احفظي نفسك ولا تلتفتي الى نباح الكلاب
انت باعيننا اغلى واثمن مما يظنون ويحدثون
انت أم لشباب الصحوة الذي يقوم عليه الاسلام
من هي أم أحمد أبن حنبل
اليست التي قالت أطلب العلم وانا اكفيك بمغزلي
اليست هي سبب لوصول العلم الينا كما هو الان
واين ام ابن تيمية
يابنات الاسلام
ماذا تقول عنكن فاطمة الزهراء وسمية وخديجة وعائشة رضي الله عنهن اجمعين اذا رائت حال ما انتن عليه الان
ماذا سيقول سيد البشر اذا رائ ما انتن عليه من اتباع هدي غير هديه صلوات بي عليه وسلم تسليمً الى يوم الدين
الباب مفتوح من قبل المغرب مالم تغرغر الروح
هلموا الى باب الله وجددوا العهد مع الله ورسوله صلى الله عليه وسلم

تقبلوا محبة أخوك الناصح لكم
مشرف الإسلامية (1)