عطرها بن وبهار

كم هي رتيبة الحياة المدنية مملة للغاية اردنا كسر هذا الجمود وهذه الوتيرة واستقر الرأي بأن نبني خيمة شرق جدة وأن لا نضع بها اي وسيلة من وسائل الترف لنعيش اجواء بدوية وكانت خيمتنا ذات طابع رائع وحتى المواضيع التي يدور الحديث عنها بعيدة كل البعد عن الحياة المتمدنة كل هذا ليس بسبب الخيمة ولكنه بسبب نوعية من يأتي لها من الرجال وما عليكم زود
ومع القصيدة...........

الخيمة الي عطرها بن وبهار= نلقى بها اهل الوجيه السميحه
نلقى ثلاثٍ كنهن حر الابكار =ونلقى بوسط القدر تطبخ ذبيحة
ونوب انتعشى ملة الخبز بالنار = ومن فوقها سمن البراري نسيحه
ما همنا كثر التجارة والاشوار= نبى نتعلل بالعلوم الصحيحة
نجلس مع الي معتلينً بالاكوار = اهل الرجاله والعلوم الصريحة
ماهم من الي همهم دقة الطار = ولاهم من اللي ينقلون الفضيحة
اخوان من هي تقتحم حد الاخطار = تسوى رجالٍ بالعقل والنصيحة
وافين يوم ان الوفى عز الاحرار = يستاهلون المرجلة والمديحة
حظ الغريب اللي تجلى عن ديار = يشكي لهم هم الزمان ويبيحه
احبهم حب الرجوله للاخيار= واشوف خوتهم كنوز ومنيحة
من حد جيزان اليمن لين الانبار = اهدي لهم نفل الخزامى وشيحة
يستاهلون المدح وافين الاشبار = بقلوبهم ما للنمايم ذريحة
اقبالهم بالوجه ماهو ورا جدار = وماهم من اللي مصادقين الشريحة

الاخ العزيز / طلال الهريم

صح لسان مليووون ولاهنت يالذيب ,,

وبكل صراحه تستاهل الخيمه القصيده ,,

ومستحيل انساها هالخيمه الرااااائعه ,,

الله يعطيك العافيه ,,

محبتي وشكري لقلمك العنكبوتي ,,,

زاد الشقى

صح لسانك ياطلال الهريم

وطاب خاطرك

قصيدة جميلة جدا

الله يعطيك العافية

وتقبل مروري وتحياتي

الأخ الغالي
طلال الهريم
السلام عليكم ورحمه الله وبركاتة
صح لسانك أخي الغالي
وقصيده غايه بالجمال
أسال الله أ، يوفقك للخير وأن يبارك فيك
أسال الله أن يرزقك الفردوس الأعلى من الجنان
تقبل مودتي
الزاد

اخي الشاعر طلال الهريم
السلام عليكم ورحمة الله وبركاته وبعد
اولا احب ان اهنيك بالشهر الكريم جعلنا الله وياكم من صوامه وقوامه على الوجه المرضي لله سبحانه وتعالى
ثانيا ـ صح لسانك وسلم بنانك على هذه القصيده التي اعتبرها من كنوز الشعر الجميل لطيبها وماتحمله من تعبير صادق عن شيء من الاصاله والعروبه نعتز به جميعا وقل المحافضين عليه بهذا الزمان
ثالثا ـ ابارك لكم هذه البادره (الخيمه) التي تجمع بلي بجده واصدقاءهم وانشاء الله تكون خيمه مباركه وانت لك السبق بذلك حيث سمعت عن مبادراتك وجهودك بهذه الخيمه منذو فتره - فلك الشكر وكلل الله جهودك بالنجاح والتوفيق لقيامك بمجهود يثلج الصدر بجمع الاقارب والاصدقاء والتعارف بينهم
ولك منا اصدق الدعوات وبهذه المناسبه حبيت اشارك بهذه الخاطره التي تستحقون اكثرواجمل منها
(طلال قام بجهد طيب ومشيــــــــوف= الله يبارك كل خطوه خطاهـــــــــــــــــــــــــــــــــــــــا)
( يستاهل البيضاء على راس شفشوف = اقولها من صدق مبغاء جزاهــــــــــــــــــــــــــا)
(بالخيمه اللي جامعه ربع وظيــــــوف= خيمة وفاء يانس بها من لفـــــــاهــــــــــــــــــــــا)
(ماهمته دنيا بها شغـــــل وظــــــــروف= جعل الليالي ماتحطـــــــــه عشـــــاهـــــــــــــــــا)
(يسلم ويسلم كل طيــــــــب ومعـــــــروف= الناس يعرف طيبــــــها من نباهــــــــــــــــــــــــا)
( قلته وانا ماني في القول مكلـــــــــــوف= لاشك حاجه بالظمائــــــر صداهــــــــــــــــــــــا)
(وجعل الخيال اللي له اطراف وردوف = يسق الديار وحيهــــــــــا اللي رباهـــــــــــــــــــا)
(حتى فيافيها تجي تقل غطــــــــــــــروف= تطرب لها عين الشقاء عن شقاهــــــــــــــــــــا)
(ويصير حب البر عاده ومـــالــــــــــوف= واللي شرا له خيمتـــــا مارمــــــــاهــــــــــــــــا)
( بيت الشعر بيتا نسيجــــه من الصوف= بيتا به الاجــــــواد تلقى هـــــــــــواهــــــــــــــــا)
(يامن به اللي جاليــــا قلبـــه الخــــوف= بيت العلـــوم اللي بعيــــــدا مـــــــــداهــــــــــــــا)
ودمت بكل خيــــــــــــــــــــــــــــــــــــــــــــــــ ر وعافيه

الاخ الكريم اسعد شرفني مرورك ووجود امثالك في المنتدى يثريه نتمنى منك التواصل
الاخ الكريم سلطان اسعدني مرورك وثنائك
الاخ الكريم الزاد زادك الله منه قربا واخواننا اجمعين واتمنى انك تدعوا لي كل ليلة ..امنية
الاخ الكريم شاعرنا عبدالكريم اسعدني مرورك واما الخيمة فلولا الرجال الطيبين شرواك ما استوت وهم لهم الفضل الاكبر بعد الله ولا اخوك واحد من عرض الشباب يتمنى ان لا يكون ارداهم واتحفتني بالثناء ولك ردي على ابياتكم العاطره
عبدالكريم اللي معاديه محسوف ** لا قال كلمه يالجماعة حماها
يثني علينا وطيبنا معه منصوف **صمَل على خير المراجل شراها
لو رحت لندن ما تقارن مع الجوف** هذ الحقيقه من عرفها لقاها
والنجم لو يمدح به اعداد وصفوف ** يكفيه انه معتلي في سماها
والمدح للي شاركوا قول وكفوف ** ولا خويك لبنة من بناها
لولا الرجال اللي لهم فعل معروف **ما كنت اببني خيمة في فلاها
قافي كتبته من صناديق بالجوف ** فيها معزـتكم وفيـها نقاها
وختامها للمصطفى حق مردوف ** صلى عليه الله وجملة ملاها
اعداد ماوسط الحرم عالم اطوف** واعداد ماهل المطر من سماها
وسلامتكم وصحة ابدانكم وعلا بنانكم