شعر المهايط

الملف الشخصي · 06-29-2007, 02:07 PM

السلام عليكم ورحمة الله وبركاته..

أعضاء المـنتدى الكرام آعتذر عن التـقصير وقل المشاركه وتقبلو هديتي لـكم وهي

عباره عن قصيدة صديقي الشاعر الكبير محمد بن جلبان السبيعي

يامحامين الشعر وأهل الكتابه=يامرخصه الطباعه والشرايط
الشعر ماعاد له قدر ومهابه=ولا لشقه في زمان اليوم خايط
انفتح باب الشعر ونهج بابه=دون عرضه مابقى حارس وحايط
قام كلن للنشر يشعب ركابه=لين جاء كله مهايط في مهايط
لا قيود ولا حدود ولا رقابه=واغلبه من سكة الشارع لقايط
وماغدا شعر النبط برق وسخابه=ولا كسا روضه من الوسمي خطايط
اختلط بالبيد عجه مع ضبابه=بين فزعات المصالح والوسايط
صار فيه المبتدي ذيب الذيابه=يمتدح نفسه ويرسم له خرايط
مالقى من ينقده بأول شبابه=نقد صادق فيه تشجيع وسفايط
قام يرثع فارس القوم بزهابه=قصده الشهره ولو شعره سقايط
ودك انه لا امتدح حضرة جنابه=قيل له_ياشاعر الغفله_تلايط!