قصيدة ناصر عواد الصربيطي في الرائد نايف فهد الفقيري

بسم الله الرحمن الرحيم

هذه القصيدة إهداء إلى الشيخ الرائد /نايف بن فهد الفقيري العنزي من الشاعر الكبير /ناصر بن عواد الصريبطي (أبو شاهر ) كهدية متواظعة لما قام به هذا الرجل من حسن استقبال وحسن الضيافة . وكان كفى للطلب الذي جاءه من اجله دون تردد منه .وهذا ليس غريب عليه .
واليكم القصيدة :

سر ياقلم واكتب لنايف رساله = نــسـل الشيوخ اللي عـــريباً نسبها
من شاعراً يكتب بيوت الجزاله = عـن كــــل ناقد مدركــه عـــن عتبها
يقول درب الجود تتعب جبالــــــه = يصعب على اللي خطوته ما حسبها
والطيب وهبة من عزيز الجلالـــه =بعض الملا بــالطيب ربـــي وهبهـــا
مثل الفقير اللي كسب للجماله = والأوله مـن حــــظ منهو كسبهـــــا
مــــــن يوم مريناه قـــدم دلالـه = والنــــار قـبــل الهرج زود حطبهــــا
مـــاقال وشتبغو وبدى ســألـــه = البن الاشقر مــــن يمينه سكبهــــا
أبوه شيخ ومركزه فــــي خواله = والمرجله من كـــــل جانب جذبهـــا
نــايـف فـهد مخاب منهو عنالـــه = اللي ضيوفه مــــارجع في طلبهــا
مــن يــوم كلمناه يـاطيب فالــه = قــال أبشروا والمرجله محتسبهـــا
نباه لضيوفه يــكفي لحاـــلـــــه = اشـهد شهادة خـــــط يدي كتبهـــا
انــه وفي راع الوفى والرجاـلـه = يــقولها شــــاعـــر ويثبت سببهــــا
ماهو غريب والطيب ببن الاطاله = ابــــــن الرجال اللي عزيز جنبهــــا
عـيـال وايـل يوم وقــت الجهالـه = غزواتهم كـــل الرجــال تحسبهــــا
حريبهم خسران حالـــه ومالــه = لاثـــــــار عــج الخيل واقبل عطبها
وصلاة ربي عد مرسل خيالــــه = وارسى المزون اللي تهامل هدبها
على الرسول اللي تبعنا مقالـه = شفيعنا عـــن نــــار يذهل لهبهـــــا

والسلام عليكم

ابن سهيه
الله يعطيك العافيه على نقل القصيده

وصح لسان الشاعر

ويستاهل الي يفعل الطيب

تقبلو تحياتي

شــــكرا لك
يــــــا
ابــــــن ســـــهــــيــه

وصــــح لــــــســـــان
ابـــــو شــــــاهر

العفو اخواني الكرام هذا فهذا اقل شي نعمله لهاذا الرجل الكريم
وشكراً للجميع ,,,,,,

مشكور يابن سهيه علي النقل

وشاعر متمكن الله يعطيه العافيه ونريد المزيد من قصائد هذا الشاعر

مشكور أبن سهيه على النقل ,,,, صح لسانك يابو شاهر