يقلدوا سكان لندن وباريس

بسم الله الرحمن الرحيم
السلام عليكم ورحمة الله وبركاته
عذة القصيدة كتبتها في فئة قليلة من الشباب ولله الحمد في المجتمع السعودي والا اعمم
اقول فيها

جيل طلع ياناس مغويهم بليس=استعملوا روتين طبع الخواجات
موضة اوربا مابكسبة نواميس=نسوا سلوم جدودهم والشهامات
راحوا مع الموديل ونوع الملابيس=هيكل عليهم كنهم شكل بنات
يقلدوا سكان لندن وباريس=بنفس الميوعة والدلع والحركات
مايستحوا من قول اسم الخنافيس=واليا نصحتة قال هذي خرافات
اصل النعومة للحريم النواعيس=ولايعتني باللبس غير الفتيات
ولا الخشونة للرجال السناعيس=أهل الكرم والطيب عصم الشنبات

خير الكلام ماقل ودل...

صح لسانك اخوي ناصر على هالقصيده
وهاذه ظاهره بدئت غريبه في مجتمعنا
ومن هالعجائب طريقتهم في قصات الشعر
ولبسهم بنطال يسمى طيحني
طيحني : ؟؟؟؟؟
طيحني ؟؟
ولما تسئل اي واحد يقولك حضاره
اي حضاره هاذي
وانتم تعرفون ان طيحني ما كان موضه ولا ستايل
كان في السجون الغربيه يمنعون لبس الحزام
لانهم يستعملونه المساجين للانتحار او للقتل
ولما طلع كم واحد من المساجين
متعودين يلبسون البنطال بدون حزام
وشا فوهم الشباب وما قصرو .


تقبل مروري

الشاعر ناصر البلوي


صح السانك


وصدقت لوفيه ناموس ماخليناه


شاعر رائع وجزل


لاهنت

يعطيك العافيه
ما قصرت والله مبدع

الأخ:مشعل الحمري
الأخ:المميز
الاخ:ايمن

شكرا لكم جميعا شرفتوني بردودكم الله يعطيكم العافية