[ سمح المحيا ] .. جديد عبدالله محمود المعيقلي

بسم الله الرحمن الرحيم

أضع بين يديكم هذه القصيدة ..وهي بمناسبة صدور المرسوم الملكي المتضمن ترقية خالي العزيز : عبدالله بن بركة المعيقلي البلوي إلى رتبة ( رائد )

.

( سمـح المحيــا )

ياشعر صح النوم , بأشعل لك سراج = اليوم لك شهرين فوق الوسايد
علمت عن ( تاج ٍ ) ترقى إلى تاج ؟ = ولا علمت برايد ٍ صار رايد ؟
التاج فوق الكتف يزهي بديباج = ماكنـّـه إلا فوق روس النوايد
خالي , وهو ماهوب للمدح محتاج = لكن لسان الحق عنصر محايد
ذرب ٍ , له بمنهاج الأجواد منهاج = ماتوفي بحقه جزال القصايد
على غزر معناه ياقلّ الإنتاج = أحيان مدح أهل المروّات كايد
والاَ حروفي تبشر بفلّة حجاج = من طيب خالي كل أبوها فرايد
سنايدي عن كل مكروه وإزعاج = وشلون أحدرها ودربي سنايد
هي دون خالي ماتجي " حج ياحاج " = وبخالي أنظمها قلايد قلايد
( عبدالله ) اللي لاهجم ليلنا الداج = ينباج مثل الصبح , للنور قايد
( سمح المحيا ) وافر الطيب , هدّاج = إلاّ على هدّاج بالطيب زايد
أقلـّها من جاه وهمومه أفواج = يرجع وهن متفرّقات وشرايد
ماحال دون أبواب طيبه بمزلاج = من طيب راسه طيباته جدايد
للمرجله مسرا بروحه ومعراج = سيّد وله صيت ٍ على النعم سايد
راع الوفا , دايم للأقدام سهّاج = بالخير , وسلوم العرب والعوايد
جوهر نفيس بكل مافيه وهـّاج = ينعم رفيقه بالسعد والفوايد
فعله يسـّر القلب ويوسع فجاج = تضيق من كثر العنا واللهايد
وإسمه على والنعم بين العرب راج = أنعم وأكرم في حزام الشدايد
يقوله اللي يذخره طبّ وعلاج = علم وخبر , ماهو كلام الجرايد
مبروك يا (رايد) ومبروك يا ( تاج ) = الكلّ منكم " تاج " والكل " رايد "

.

للشاعر : عبدالله محمود المعيقلي البلوي

.

نبارك لخالك الترقيه

الف الف الف مبروك

وصح لسان الشاعر عبدالله محمود المعيقلي البلوي

وانت لك خالص ودي وتقديري

الله الله

عبدالله محمود شاعر علم
والف مبارك لعبدالله بن بركه البلوي
.

الف الف الف مبروووك ترقــية
الرائد / عبدالله بن بركة المعيقلي البلوي

الشاعر الكبير /
عبدالله بن محمود المعيقلي البلوي
خالك عبدالله أبن بركة ونعم فيك وبخالك اللي هو وأنت من خوالــي ويحق لي أفتخر بالمادح والممدوح ...

صح لسانك ..

رضا بيض لله وجهك على الجزاله

نواف البلويـ

صح الله لسانك ولسان الشاعر العلم . . عبدالله محمود المعيقلي

يستاهل الرائد . . عبدالله المعيقلي هذا المدح وأكثر


ويارضا لاتطول علينا بجديد عبدالله


أطيب المُــنــى ،،

الــــف مبــــروك للرائــد/ عبدالله المعيقلي

عبـــدالله محمـــود ( وربي ثم وربي ثم وربي ان شاعريته غييييييييير )

مهضـــوم اعلاميـــا ( لاكن بقلوبنا بو محمود )

رضا ( اغلف لك شكري )